ದೇಶದ ಎಲ್ಲಾ ರಾಜ್ಯಗಳಲ್ಲಿ ಶೇ.0-4 ರಷ್ಟು ವ್ಯಾಟ್ ತೆರಿಗೆಯನ್ನು ಜಾರಿಗೊಳಿಸುವುದರಿಂದ ಅಹಾರೋತ್ಪನ್ನ ಕೈಗಾರಿಕೆಗಳಿಗೆ ಲಾಭವಾಗಲಿದೆ ಎಂದು ಸಚಿವ ಸುಬೋಧ್‌ಕಾಂತ್ ಸಹಾಯ್ ಹೇಳಿದ್ದಾರೆ
ಕೇಂದ್ರ ಸರಕಾರ ಅಬಕಾರಿ ತೆರಿಗೆಯನ್ನು ಶೂನ್ಯಕ್ಕೆ ಇಳಿಸಿದ್ದು, ವಿವಿಧ ಉತ್ಪನ್ನಗಳ ದರಗಳು ಇತರ ರಾಜ್ಯಗಳಲ್ಲಿ ಭಿನ್ನವಾಗಿರುವುದರಿಂದ ವ್ಯಾಟ್ ತೆರಿಗೆ ಏಕರೂಪದಲ್ಲಿ ವಿಧಿಸಲು ಅಡ್ಡಿಯಾಗುತ್ತಿದೆ ಎಂದು ಅಹಾರೋತ್ಪನ್ನ ಕೈಗಾರಿಕೆ ರಾಜ್ಯ ಸಚಿವ ಸುಭೋದ್‌ಕಾಂತ್ ಸಹಾಯ್ ತಿಳಿಸಿದ್ದಾರೆ.
ಪ್ರಸ್ತುತ ವ್ಯಾಟ್ ತೆರಿಗೆ 0, 4, 8 ಮತ್ತು ಶೇ.12.5 ರಷ್ಟು ವಿಧಿಸಲಾಗುತ್ತಿದೆ. ದೇಶದ ಎಲ್ಲಾ ರಾಜ್ಯಗಳು ಏಕರೂಪ ತೆರಿಗೆ ಜಾರಿಗೆ ತರಬೇಕು ಎಂದು ಮನವಿ ಮಾಡಲಾಗಿದೆ. ಇದರಿಂದ ಕೈಗಾರಿಕೆ ಅಭಿವೃದ್ಧಿಗೆ ಉತ್ತಮ ಫಲಿತಾಂಶ ದೊರೆಯುತ್ತದೆ ಎಂದು ತಿಳಿಸಿದ್ದಾರೆ.
ವ್ಯಾಟ್ ತೆರಿಗೆಯನ್ನು ಎಲ್ಲ ರಾಜ್ಯಗಳಲ್ಲಿ ಏಕರೂಪತೆಯಿಂದ ಜಾರಿಗೆ ತರುವುದರಿಂದ 200 ಬಿಲಿಯನ್ ಡಾಲರ್ ವಹಿವಾಟು ನಡೆಸುವ ಅಹಾರೋತ್ಪನ್ನ ಕೈಗಾರಿಕೆ ಉದ್ಯಮ ಅಭಿವೃದ್ಧಿ ಪಥದತ್ತ ಸಾಗುತ್ತದೆ. ಜಾಗತಿಕ ಆರ್ಥಿಕ ಕುಸಿತ ಅಹಾರೋತ್ಪನ್ನ ಕೈಗಾರಿಕೆಗೆಳ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದು ಸಚಿವ ಸಹಾಯ್ ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ