ವಿಮಾನ ಇಂಧನ ಬೆಲೆ ಮತ್ತಷ್ಟು ಅಗ್ಗ

ಸರ್ಕಾರಿ ಸ್ವಾಮ್ಯದ ತೈಲ ಕಂಪೆನಿಗಳು ವಿಮಾನ ಇಂಧನ ಬೆಲೆಗಳನ್ನು ಸುಮಾರು ಶೇ.12ರಷ್ಟು ಅಥವಾ ಕಿಲೋ ಲೀಟರ್‌ಗೆ ರೂ.5,580ರಷ್ಟು ಇಳಿಸಿದೆ.

ಒಂದೇ ತಿಂಗಳಲ್ಲಿ ವಿಮಾನ ಇಂಧನ ಬೆಲೆಗಳು ಇಳಿಮುಖವಾಗುತ್ತಿರುವುದು ಇದು 3ನೇ ಸಲವಾಗಿದ್ದು ಈಗಿನ ದರ 2007ರ ಸೆಪ್ಟೆಂಬರ್‌ನಲ್ಲಿ ಇದ್ದ ದರಕ್ಕೆ ಸಮವಾಗಿದೆ. ಅಂತಾರಾಷ್ಟ್ರೀಯ ತೈಲ ಬೆಲೆಗಳಿಗೆ ಅನಸಾರವಾಗಿ ಈ ಇಳಿಕೆಯಾಗಿದೆ.

ಹೀಗಿದ್ದೂ ವಿಮಾನ ಪ್ರಯಾಣ ದರ ಇಳಿಸಲು ಇನ್ನೂ ಪರಿಸ್ಥಿತಿಯ ಅಧ್ಯಯನ ಮಾಡಬೇಕಿದೆ ಎಂದು ವಿಮಾನ ಕಂಪೆನಿಗಳು ಹೇಳಿವೆ.

ದೆಹಲಿಯಲ್ಲಿ ವಿಮಾನ ಇಂಧನ ಬೆಲೆ ಲೀಟರ್‌ಗೆ 5585.19ರಷ್ಟು ಕಡಿತವಾಗಿದ್ದು, ಶನಿವಾರ ಮಧ್ಯರಾತ್ರಿಯಿಂದ ರೂ.39.380.51ಆಗಲಿದೆ ಎಂದು ಇಂಡಿಯನ್ ಆಯಿಲ್ ಕಾರ್ಪೋರೇಷನ್ ಅಧಿಕಾರಿಗಳು ತಿಳಿಸಿದ್ದಾರೆ.