ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಇಳಿಕೆಯಾದ ಹಿನ್ನೆಲೆಯಲ್ಲಿ ದೇಶಿಯ ಇಂಧನ ಉತ್ಪನ್ನಗಳ ದರಗಳು ಕುಸಿತಗೊಂಡ ಹಿನ್ನೆಲೆಯಲ್ಲಿ ಹಣದುಬ್ಬರ ದರ ಶೇ.8.9 ಕ್ಕೆ ಇಳಿಕೆಯಾಗಿದೆ ಎಂದು ವಿತ್ತ ಸಚಿವಾಲಯ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ನವೆಂಬರ್ 1 ಕ್ಕೆ ಶೇ.8.98 ರಷ್ಟಿದ್ದ ಹಣದುಬ್ಬರ ದರ, ನವೆಂಬರ್ 8 ಕ್ಕೆ ವಾರಂತ್ಯಗೊಂಡಂತೆ ಶೇ.0.08 ರಷ್ಟು ಇಳಿಕೆಯಾಗಿ ಶೇ.8.9ಕ್ಕೆ ತಲುಪಿದೆ ಎಂದು ವಿತ್ತ ಸಚಿವಾಲಯದ ಅಧಿಕಾರಿಗಳು ಬಿಡುಗಡೆ ಮಾಡಿದ ಅಂಕಿ ಅಂಶಗಳಲ್ಲಿ ಪ್ರಕಟಿಸಿದ್ದಾರೆ.
ಜೂನ್ ತಿಂಗಳ ಮೊದಲ ವಾರದಲ್ಲಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಇಂಧನ ದರಗಳು ಹೆಚ್ಚಳವಾದ ಹಿನ್ನೆಲೆಯಲ್ಲಿ ಹಣದುಬ್ಬರ ದರ ಎರಡಂಕಿಗೆ ಏರಿಕೆಯನ್ನು ಕಂಡಿತ್ತು. ಮೇ 31ಕ್ಕೆ ಅಂತ್ಯಗೊಂಡಂತೆ ಶೇ.9.32ರಷ್ಟಿದ್ದ ಹಣದುಬ್ಬರ ದರ 21 ವಾರಗಳ ನಂತರ ಶೇ.8.9ಕ್ಕೆ ಇಳಿಕೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಾರಂತ್ಯಗೊಂಡಂತೆ ಡಿಸೈಲ್ ದರದಲ್ಲಿ ಶೇ.11 ರಷ್ಟು ಇಳಿಕೆಯಾಗಿದ್ದು, ಸೀಮೆ ಎಣ್ಣೆ ಹಾಗೂ ಜೆಟ್ ಇಂಧನ ದರಗಳಲ್ಲಿ ಕ್ರಮವಾಗಿ ಶೇ.9 ರಷ್ಟು ಹಾಗೂ ಶೇ. 5 ರಷ್ಟು ಇಳಿಕೆಯನ್ನು ಕಂಡಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಜುಲೈ ತಿಂಗಳಲ್ಲಿ ಪ್ರತಿ ಬ್ಯಾರೆಲ್‌ಗೆ 147 ಡಾಲರ್‌ಗಳಿದ್ದ ದರ, ಪ್ರಸ್ತುತ ಪ್ರತಿ ಬ್ಯಾರೆಲ್‌ಗೆ 53 ಡಾಲರ್‌‌ಗಳಿಗೆ ಇಳಿಕೆಯಾಗಿದೆ | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ