ಮುಂಬೈ ಉಚ್ಚ ನ್ಯಾಯಾಲಯದಲ್ಲಿರುವ ಪ್ರಕರಣದಲ್ಲಿ ವೊಡಾಫೋನ್ ಟಿಲಿಕಾಂ ಸಂಸ್ಥೆ ಸೋಲನುಭವಿಸಿದ ಹಿನ್ನೆಲೆಯಲ್ಲಿ 10 ಸಾವಿರ ಕೋಟಿ ರೂಪಾಯಿ ತೆರಿಗೆಯನ್ನು ಪಾವತಿಸಬೇಕಾಗಿದೆ ಎಂದು ತೆರಿಗೆ ಇಲಾಖಾ ಮೂಲಗಳು ತಿಳಿಸಿವೆ.
ಕೇಂದ್ರ ನೇರ ತೆರಿಗೆಗಳ ಮಂಡಳಿ ಅಧ್ಯಕ್ಷ ಎನ್‌.ಬಿ.ಸಿಂಗ್ ಮಾತನಾಡಿ, ವೊಡಾಫೋನ್ ಪಾವತಿಸಬೇಕಾಗಿರುವ ಕ್ಯಾಪಿಟಲ್ ಗೇನ್ಸ್ ಮೊತ್ತ 10 ಸಾವಿರ ಕೋಟಿ ರೂ.ಗಳಾಗಿವೆ ಎಂದು ತಿಳಿಸಿದ್ದಾರೆ.
ಕಳೆದ ವರ್ಷ ಹಚಿನ್ಸನ್ ಇಂಡಿಯಾ ಕಂಪೆನಿಯನ್ನು ನೆದರ್‌ಲ್ಯಾಂಡ್ ಮೂಲದ ವೊಡಾಫೋನ್ ಕಂಪೆನಿ 11.2 ಶತಕೋಟಿ ಡಾಲರ್‌ ಪಾವತಿಸಿ ಖರೀದಿಸಿತು.ಖರೀದಿಯ ವಹಿವಾಟಿನಲ್ಲಿ ಹಚಿನ್ಸನ್ ಕಂಪೆನಿ ಕೇಂದ್ರ ಸರಕಾರಕ್ಕೆ ತೆರಿಗೆಯನ್ನು ಪಾವತಿಸಬೇಕಾಗಿದ್ದರೂ ತೆರಿಗೆ ಮೊತ್ತವನ್ನು ಮುರಿದುಕೊಂಡೇ ಹಚಿನ್ಸನ್‌ಗೆ ವೊಡಾಫೋನ್ ಉಳಿದ ಹಣ ನೀಡಬೇಕಿತ್ತು ಎಂದು ಮುಂಬೈ ಉಚ್ಚ ನ್ಯಾಯಾಲಯದಲ್ಲಿ ತೆರಿಗೆ ಇಲಾಖೆ ವಾದಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ