ಏರ್ ಇಂಡಿಯಾ ಮತ್ತು ಜೆಟ್ಏರ್ವೇಸ್ ಇಂಧನ ತೆರಿಗೆ ಕಡಿತಗೊಳಿಸಿದ ಹಿನ್ನೆಲೆಯಲ್ಲಿ ಇಂಡಿಗೋ ಮತ್ತು ಕಿಂಗ್ಫಿಶರ್ ಏರ್ಲೈನ್ಸ್ಗಳು ಕೂಡಾ ದೇಶಿಯ ಹಾರಾಟದ ವಿಮಾನಗಳ ಮೇಲೆ 400 ರೂಪಾಯಿಗಳ ಇಂಧನ ತೆರಿಗೆಯನ್ನು ಕಡಿತಗೊಳಿಸಿವೆ ಎಂದು ಮೂಲಗಳು ತಿಳಿಸಿವೆ.
ಡಿಸೆಂಬರ್ 6 ರಿಂದ ಅನ್ವಯವಾಗುವಂತೆ ಏರ್ಇಂಡಿಯಾ , ಜೆಟ್ಏರ್ವೇಸ್ ಮತ್ತು ಜೆಟ್ಲೈಟ್ ವೈಮಾನಿಕ ಸಂಸ್ಥೆಗಳಂತೆ ಇಂಡಿಗೋ ಕೂಡಾ ಇಂಧನ ತೆರಿಗೆಯನ್ನು ಕಡಿತಗೊಳಿಸಿದೆ ಎಂದು ಇಂಡಿಗೋ ಅಧ್ಯಕ್ಷ ಆದಿತ್ಯ ಘೋಷ್ ತಿಳಿಸಿದ್ದಾರೆ.
ವೈಮಾನಿಕ ಇಂಧನ ದರ ಇಳಿಕೆಯಾಗಿದ್ದರಿಂದ ಪ್ರಯಾಣಿಕರ ಅನುಕೂಲಕ್ಕಾಗಿ ಹಿಂದೆ ನೀಡಿದ ಭರವಸೆಯಂತೆ ಇಂಧನ ತೆರಿಗೆಯನ್ನು ಕಡಿತಗೊಳಿಸಲಾಗಿದೆ ಎಂದು ಹೇಳಿದ್ದಾರೆ.
ಇಂಧನ ತೆರಿಗೆ, 750 ಕಿ.ಮಿ.ಗಿಂತ ದೂರದ ಪ್ರಯಾಣ ಅಥವಾ 2,700 ರೂ.ಪ್ರಯಾಣಿಕ ಟಿಕೆಟ್ ದರಕ್ಕಿಂತ ಹೆಚ್ಚಳದ ಪ್ರಯಾಣಕ್ಕೆ 1,950 ರೂ.ಪ್ರಯಾಣಿಕರ ಟಿಕೆಟ್ ದರದಲ್ಲಿ ಕಡಿಮೆಯಾಗಲಿದೆ ಎಂದು ವೈಮಾನಿಕ ಮೂಲಗಳು ತಿಳಿಸಿವೆ.
ಇಂಡಿಗೋ ವೈಮಾನಿಕ ಸಂಸ್ಥೆ ಏರ್ಬಸ್-320 ವಿಮಾನದೊಂದಿಗೆ ದೇಶದಾದ್ಯಂತ 17 ಸ್ಥಳಗಳಿಗೆ 125 ವಿಮಾನಗಳ ಹಾರಾಟ ನಡೆಸುತ್ತಿದೆ ಎಂದು ಸಂಸ್ಥೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ವಿಜಯ್ ಮಲ್ಯ ಸಂಚಾಲಿತ ಕಿಂಗ್ಫಿಶರ್ ಏರ್ಲೈನ್ಸ್ ಕೂಡಾ ಇಂಧನ ತೆರಿಗೆಯನ್ನು ಕಡಿತಗೊಳಿಸಿದ್ದರಿಂದ ದೇಶಿಯ ಹಾರಾಟದ ಪ್ರಯಾಣಿಕರಿಗೆ ಪ್ರಯಾಣ ದರದಲ್ಲಿ 400 ರೂಪಾಯಿಗಳಿಗಿಂತ ಕಡಿಮೆಯಾಗಲಿದೆ ಎಂದು ಕಿಂಗ್ಫಿಶರ್ ಮೂಲಗಳು ತಿಳಿಸಿವೆ. |