ದೇಶದಲ್ಲಿ ನಗದು ಹಣ ಚಲಾವಣೆ ಸುಲಭಗೊಳಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೊ ಮತ್ತು ರಿವರ್ಸ್ ರೆಪೊ ದರಗಳನ್ನು ಕಡಿತಗೊಳಿಸಿ ಆದೇಶ ಹೊರಡಿಸಿದೆ.ರಿಸರ್ವ್ ಬ್ಯಾಂಕ್ ಗವರ್ನರ್ ಡಿ.ಸುಬ್ಬಾರಾವ್ ರೆಪೊ ದರಗಳ ಕಡಿತ ಘೋಷಿಸಿದ ನಂತರ ಮಾತನಾಡಿ, ಕ್ಯಾಶ್ ರಿಸರ್ವ್ ರೇಶಿಯೊ ಮತ್ತು ಎಸ್ಎಲ್ಆರ್ನಲ್ಲಿ ಯಾವುದೇ ಬದಲಾವಣೆಗಳಿಲ್ಲ ಎಂದು ತಿಳಿಸಿದ್ದಾರೆ. ಡಿಸೆಂಬರ್ 8 ರಿಂದ ರೆಪೊ ದರ ಕಡಿತ ಜಾರಿಗೆ ಬರಲಿದ್ದು, ಬ್ಯಾಂಕ್ಗಳನ್ನು ಉತ್ತೇಜಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ಸೂಕ್ತ ನಿಯಮಗಳನ್ನು ಜಾರಿಗೆ ತಂದಿದೆ. ಕಳೆದ ಜುಲೈ ತಿಂಗಳಿನಿಂದ ಶೇ.3 ರಷ್ಟು ರೆಪೊ ದರವನ್ನು ಕಡಿತಗೊಳಿಸಿದೆ ಎಂದು ಆರ್ಬಿಐ ಮೂಲಗಳು ತಿಳಿಸಿವೆ.ಜುಲೈ 2006ರಲ್ಲಿ ಬದಲಾವಣೆ ಮಾಡಲಾಗಿದ್ದ ರಿವರ್ಸ್ ರೆಪೊ ದರ ಮತ್ತೆ ಇದೀಗ ಬದಲಾವಣೆ ಮಾಡಲಾಗಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ತಿಳಿಸಿದೆ.ಕ್ಯಾಶ್ ರಿಸರ್ವ್ ರೇಶಿಯೊ,ಠೇವಣಿಗೆ ಸರಿಯಾದ ಅನುಪಾತದ ಠೇವಣಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ನಲ್ಲಿ ಜಮಾವಣೆ ಮಾಡುವುದು ಅಗತ್ಯವಾಗಿದೆ. ವರ್ಷಾಂತ್ಯದೊಳಗೆ ದೇಶದ ಹಣದುಬ್ಬರ ಶೇ.7ಕ್ಕೆ ಇಳಿಕೆಯಾಗುವ ಸಾಧ್ಯತೆಗಳಿವೆ ಎಂದು ಗವರ್ನರ್ ಸುಬ್ಬಾರಾವ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. |