ಕೇಂದ್ರ ಸರಕಾರ ವ್ಯಾಟ್ ತೆರಿಗೆಯನ್ನು ಶೇ. 4ರಷ್ಟು ಕಡಿತಗೊಳಿಸಿದ ಹಿನ್ನೆಲೆಯಲ್ಲಿ, ದೇಶದ ಖ್ಯಾತ ಅಟೋಮೊಬೈಲ್ ಕಂಪೆನಿ ಟಾಟಾ ಮೋಟಾರ್ಸ್, ವಾಹನಗಳ ಮೇಲೆ 60 ಸಾವಿರದವರೆಗೆ ದರ ಕಡಿತ ಮಾಡಿದೆ ಎಂದು ಟಾಟಾ ಕಂಪೆನಿಯ ಮೂಲಗಳು ತಿಳಿಸಿವೆ.
ಪ್ರಯಾಣಿಕ ಕಾರುಗಳಾದ ಇಂಡಿಕಾ ಮತ್ತು ಇಂಡಿಗೋ ಫ್ಯಾಮಿಲಿ ಕಾರುಗಳ ದರವನ್ನು 12 ಸಾವಿರದಿಂದ 23ಸಾವಿರದವರೆಗೆ ಕಡಿತ ಮಾಡಲಾಗಿದ್ದು, ವಿವಿಧ ಮಾಡೆಲ್‌ಗಳ ಮೇಲೆ ದರ ಕಡಿತ ಅವಲಂಬಿಸಿದೆ ಎಂದು ಟಾಟಾ ಮೋಟಾರ್ಸ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಟಾಟಾ ಸಫಾರಿ ಮತ್ತು ಸುಮೋ ಫ್ಯಾಮಿಲಿ ಕಾರುಗಳ ದರವನ್ನು 16 ಸಾವಿರದಿಂದ 36ಸಾವಿರದವರೆಗೆ ಕಡಿತ ಮಾಡಿದೆ. ಲಘು ವಾಣಿಜ್ಯ ವಾಹನಗಳನ್ನು 17ಸಾವಿರ-23ಸಾವಿರದವರೆಗೆ ಹಾಗೂ ಮಧ್ಯಮ ಮತ್ತು ಭಾರಿ ವಾಣಿಜ್ಯ ವಾಹನಗಳ ಮೇಲೆ 30ಸಾವಿರದಿಂದ 60 ಸಾವಿರದವರೆಗೆ ಕಡಿತ ಮಾಡಲಾಗಿದೆ ಎಂದು ಟಾಟಾ ಮೋಟಾರ್ಸ್ ಕಂಪೆನಿಯ ಮೂಲಗಳು ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ