ನವದೆಹಲಿ : ಕೇಂದ್ರ ಸರಕಾರ ವ್ಯಾಟ್ ತೆರಿಗೆಯನ್ನು ಕಡಿತಗೊಳಿಸಿದ ಹಿನ್ನೆಲೆಯಲ್ಲಿ ಗೃಹಪಯೋಗಿ ಉಪಕರಣಗಳ ತಯಾರಿಕೆ ಸಂಸ್ಥೆಯಾದ ಸ್ಯಾಮ್ಸಂಗ್, ತನ್ನ ಎಲ್ಲ ಉತ್ಪನ್ನಗಳ ಮೇಲೆ 10 ಸಾವಿರದವರೆಗೆ ಕಡಿತ ಮಾಡಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ಕೊರಿಯನ್ ಮೂಲದ ಕಂಪೆನಿಯಾದ ಸ್ಯಾಮ್ಸಂಗ್ 22 ಇಂಚ್ ಎಲ್ಸಿಡಿ ಟಿ.ವಿಗೆ 500 ರೂಪಾಯಿ ದರ ಕಡಿತ, 52 ಇಂಚ್ಗೆ 1 ಸಾವಿರ ಮತ್ತು ಪ್ಲಾಸ್ಮಾ ಟಿ.ವಿಗೆ 1 ಸಾವಿರ ರೂಪಾಯಿಗಳಿಂದ 6 ಸಾವಿರ ರೂಪಾಯಿಗಳವರೆಗೆ ಕಡಿತ ಮಾಡಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ರಿಪ್ರಿಜರೇಟರ್ ದರಗಳ ಮೇಲೆ ಶೇ 2ರಷ್ಟು ಕಡಿತ ಮಾಡಿದ್ದು,ಗ್ರಾಹಕರಿಗೆ ಮೂಲದರದಿಂದ 50 ರೂಪಾಯಿಗಳಿಂದ 250 ರೂಪಾಯಿಗಳವರೆಗೆ ಕಡಿತವಾಗಲಿದೆ.
ಸ್ಯಾಮ್ಸಂಗ್, ಭಾರ್ತಿ ಏರ್ಟೆಲ್ ಡಿಟಿಎಚ್ನೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಎಲ್ಸಿಡಿ ಅಥವಾ ಪ್ಲಾಸ್ಮಾ ಟಿ.ವಿ ಜೊತೆಗೆ ಡಿಟಿಎಚ್ ಸೌಲಭ್ಯ ನೀಡುವುದಾಗಿ ಪ್ರಕಟಿಸಿದೆ.
ಸ್ಯಾಮ್ಸಂಗ್ ಪ್ಯಾನೆಲ್ ಟಿ.ವಿ ಖರೀದಿಸುವ ಗ್ರಾಹಕರಿಗೆ ಏರ್ಟೆಲ್ ಡಿಟಿಎಚ್ ಸೆಟಪ್ ಬಾಕ್ಸ್ ಮತ್ತು ಐದು ತಿಂಗಳ ಉಚಿತ ಚಂದಾದಾರರಾಗುವ ಸೌಲಭ್ಯ ನೀಡುವುದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ. |