ಪ್ರಸಕ್ತ ವಾರದಲ್ಲಿ ನಡೆಯಲಿರುವ ಒಪೆಕ್ ಸಭೆಯಲ್ಲಿ ಬೃಹತ್ ಉತ್ಪಾದನೆ ಕಡಿತ ಘೋಷಿಸುವ ಸಾಧ್ಯತೆಗಳ ಹಿನ್ನೆಲೆಯಲ್ಲಿ ಕಚ್ಚಾ ತೈಲ ದರ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಬ್ಯಾರೆಲ್‌ಗೆ 47 ಡಾಲರ್‌ಗೆ ಏರಿಕೆಯಾಗಿದೆ ಎಂದು ಮಾರುಕಟ್ಟೆಯ ಮೂಲಗಳು ತಿಳಿಸಿವೆ. ನ್ಯೂಯಾರ್ಕ್ ಶೇರುಪೇಟೆಯ ಜನೆವರಿ ತಿಂಗಳ ವಿತರಣೆಯಲ್ಲಿ ಕಚ್ಚಾ ತೈಲ ದರ 92 ಸೆಂಟ್‌ ಏರಿಕೆಯಾಗಿ ಪ್ರತಿ ಬ್ಯಾರೆಲ್‌ಗೆ 47.20ಡಾಲರ್‌ಗಳಿಗೆ ತಲುಪಿದೆ. ಶುಕ್ರವಾರದಂದು ಪ್ರತಿ ಬ್ಯಾರೆಲ್‌ಗೆ 1.70 ಡಾಲರ್‌ ಇಳಿಕೆಯಾಗಿ 46.28 ಡಾಲರ್‌ಗಳಿಗೆ ತಲುಪಿತ್ತು. ಪೆಟ್ರೋಲಿಯಂ ರಫ್ತುದಾರ ದೇಶಗಳ ಸಂಸ್ಥೆಯಾದ ಒಪೆಕ್,ಜಾಗತಿಕ ಬೇಡಿಕೆಯಲ್ಲಿ ಶೇ.40ರಷ್ಟು ತೈಲವನ್ನು ಸರಬರಾಜು ಮಾಡುತ್ತಿದೆ. ಒಪೆಕ್ ಸದಸ್ಯರ ಸಭೆ ಬುಧವಾರದಂದು ಅಲ್ಜೀರಿಯಾದಲ್ಲಿ ನಡೆಯುಲಿದ್ದು, ಸಭೆಯ ನಂತರ ಉತ್ಪಾದನೆಯನ್ನು ಕಡಿತಗೊಳಿಸಲು ನಿರ್ಧರಿಸಿದೆ ಎಂದು ಒಪೆಕ್ ವಕ್ತಾರರು ತಿಳಿಸಿದ್ದಾರೆ.ಒಪೆಕ್ ರಾಷ್ಟ್ರಗಳ ಸಭೆಯಲ್ಲಿ ಇರಾನ್‌ಗೆ 1.5 ರಿಂದ 2 ಮಿಲಿಯನ್ ಬ್ಯಾರೆಲ್‌ ಉತ್ಪಾದನೆ ಕಡಿತ ಮಾಡುವಂತೆ ಘೋಷಿಸುವ ಸಾಧ್ಯತೆಗಳಿವೆ ಎಂದು ಇರಾನ್‌ನ ತೈಲ ಸಚಿವ ಘೋಲಾಮ್ ಹೊಸೈನ್ ನೊಝಾರಿ ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
