ಕಚ್ಚಾ ತೈಲ ದರ ನಿರಂತರ ಕುಸಿಯುತ್ತಿರುವುದರಿಂದ ಉತ್ಪಾದನೆಯನ್ನು ಕಡಿತಗೊಳಿಸಲು ಒಪೆಕ್ ನಿರ್ಧರಿಸಿರುವಂತೆ ಏಷ್ಯಾ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರದಲ್ಲಿ ಏರಿಕೆಯಾಗಿದೆ.ನ್ಯೂಯಾರ್ಕ್ ಶೇರುಪೇಟೆಯ ಜನೆವರಿ ತಿಂಗಳ ಸರಬರಾಜಿನಲ್ಲಿ ಕಚ್ಚಾ ತೈಲ 59 ಸೆಂಟ್‌ಗಳ ಏರಿಕೆಯಾಗಿ ಪ್ರತಿ ಬ್ಯಾರೆಲ್‌ಗೆ 44.19 ಡಾಲರ್‌ಗಳಿಗೆ ಏರಿಕೆಯಾಗಿದೆ ಎಂದು ಶೇರುಪೇಟೆಯ ಮೂಲಗಳು ತಿಳಿಸಿವೆಮಂಗಳವಾರದ ಶೇರುಪೇಟೆಯಲ್ಲಿ 91 ಸೆಂಟ್‌ಗಳ ಕುಸಿತ ಕಂಡು ಪ್ರತಿ ಬ್ಯಾರೆಲ್‌ಗೆ 43.60 ಡಾಲರ್‌ಗಳಿಗೆ ಇಳಿಕೆಯಾಗಿತ್ತು. ಇಂದು ಅಲ್ಜೀರಿಯಾದಲ್ಲಿ ಒಪೆಕ್ ಸಭೆ ನಡೆಯಲಿರುವುದರಿಂದ ಸಭೆಯ ನಿರ್ಣಯಗಳ ಬಗ್ಗೆ ವಹಿವಾಟುದಾರರು ನಿರೀಕ್ಷಿಸುತ್ತಿದ್ದಾರೆ ಎಂದು ವಹಿವಾಟಿನ ಮೂಲಗಳು ತಿಳಿಸಿವೆ. ಒಪೆಕ್‌ನ 13 ರಾಷ್ಟ್ರಗಳು ಜಾಗತಿಕವಾಗಿ ಶೇ.40 ರಷ್ಟು ತೈಲವನ್ನು ಸರಬರಾಜು ಮಾಡುತ್ತಿದ್ದು, ಪ್ರತಿ ದಿನ ಎರಡು ಮಿಲಿಯನ್ ಬ್ಯಾರೆಲ್‌ ಕಡಿತಗೊಳಿಸುವ ಕುರಿತಂತೆ ಒಪೆಕ್ ಆದೇಶ ಹೊರಡಿಸಲಿದೆ ಎಂದು ಸೌದಿ ಅರೇಬಿಯಾದ ತೈಲ ಸಚಿವರು ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
