ರಿಸರ್ಚ್ ಇನ್ ಮೊಷನ್ ಕಂಪೆನಿಯ ಉತ್ಪನ್ನವಾದ ಬ್ಲ್ಯಾಕ್ ಬೆರ್ರಿ, ಮೂರನೇ ತ್ರೈಮಾಸಿಕ ಅವಧಿಯಲ್ಲಿ 2.78 ಬಿಲಿಯನ್ ಡಾಲರ್‌ ಆದಾಯದಲ್ಲಿ ಹೆಚ್ಚಳವಾಗಿ ಶೇ.66ರಷ್ಟು ನಿವ್ವಳ ಲಾಭಗಳಿಸಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ಕಳೆದ ವರ್ಷದ ವಹಿವಾಟಿನಲ್ಲಿ 370.5 ಮಿಲಿಯನ್ ಡಾಲರ್‌ಗಳ ಆದಾಯವಾಗಿದ್ದು, ಪ್ರಸಕ್ತ ವರ್ಷದ ಮೂರನೇ ತ್ರೈಮಾಸಿಕ ಅವಧಿಯಲ್ಲಿ 396.3 ಮಿಲಿಯನ್ ಡಾಲರ್‌ಗಳ ಆದಾಯದಲ್ಲಿ ಹೆಚ್ಚಳವಾಗಿದೆ ಎಂದು ರಿಸರ್ಚ್ ಇನ್ ಮೊಷನ್ ಕಂಪೆನಿ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಟೊರೆಂಟೊ ಮೂಲದ ಬ್ಲ್ಯಾಕ್ ಬೆರ್ರಿ ಕಂಪೆನಿ, 2.6 ಮಿಲಿಯನ್ ನೂತನ ಗ್ರಾಹಕರನ್ನು ಸೇರ್ಪಡೆಗೊಳಿಸುವುದರೊಂದಿಗೆ ಗ್ರಾಹಕರ ಸಂಖ್ಯೆ 21 ಮಿಲಿಯನ್‌ಗೆ ತಲುಪಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ರಿಮ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಜಿಮ್ ಬಾಲ್‌ಸಿಲೈ ಮಾತನಾಡಿ, ಮೂರನೇ ತ್ರೈಮಾಸಿಕ ಆದಾಯದಲ್ಲಿ ದಾಖಲೆಯ ಲಾಭಗಳಿಸಿದ್ದು, ಜಾಗತಿಕ ಆರ್ಥಿಕ ಸವಾಲಿನ ಮಧ್ಯೆಯು ನಾಲ್ಕನೇ ತ್ರೈಮಾಸಿಕದಲ್ಲಿ ಲಾಭದತ್ತ ದಾಪುಗಾಲು ಹಾಕುತ್ತಿದ್ದೆವೆ ಎಂದು ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ