ರೈಲುಗಳು ಮತ್ತು ರೈಲ್ವೆ ನಿಲ್ದಾಣಗಳು ಭಯೋತ್ಪಾದಕರಿಗೆ ಸುಲಭದ ತುತ್ತಾಗುತ್ತಿರುವ ಹಿನ್ನೆಲೆಯಲ್ಲಿ ಭಯೋತ್ಪಾದನೆ ದಾಳಿಗಳನ್ನು ಸಮರ್ಥವಾಗಿ ತಡೆಯಲು ರೈಲ್ವೆಯ ಭದ್ರತಾ ಸಿಬ್ಬಂದಿಗೆ 3000 ಎಕೆ-47 ರೈಫಲ್ಲುಗಳನ್ನು ಖರೀದಿಸಲು ರೈಲ್ವೆ ಇಲಾಖೆ ನಿರ್ಧರಿಸಿದೆ.
ಗೃಹಸಚಿವಾಲಯದ ಜತೆ ನಡೆದ ಸಭೆಯಲ್ಲಿ ರೈಲ್ವೆ ರಕ್ಷಣಾ ಪಡೆಗೆ ಎಕೆ-47 ರೈಫಲ್ಲುಗಳ ಖರೀದಿಗೆ ನಿರ್ಧರಿಸಲಾಯಿತೆಂದು ರೈಲ್ವೆ ಸಚಿವಾಲಯದ ಅಧಿಕಾರಿ ತಿಳಿಸಿದರು. ಆರ್‌ಪಿಎಫ್ ಬಳಕೆ ಸಲುವಾಗಿ ಆಧುನಿಕ ಭದ್ರತಾ ಸಂಬಂಧಿತ ಉಪಕರಣ ಖರೀದಿಗೆ ರೈಲ್ವೆ ಸಚಿವಾಲಯವು 60.76 ಕೋಟಿ ರೂ. ಮೀಸಲಿರಿಸಿದೆ. ಎಕೆ-47 ಬಂದೂಕುಗಳಲ್ಲದೇ ರೈಲ್ವೆಯು ಇನ್ಸಾಸ್ 5.56 ಎಂಎಂ ರೈಫಲ್, ಎಸ್‌ಎಲ್ಆರ್ 7.62 ಎಂ.ಎಂ. ಕಾರ್ಬೈನ್ ಎಂಎಂ ಮತ್ತು ಆಟೊ ಎಂಎಂ ಪಿಸ್ತೂಲು ಖರೀದಿಸಲಿದೆ.
ಆರ್‌ಪಿಎಫ್ ಸಿಬ್ಬಂದಿಗೆ ಬಹಾದುರ್‌ಗಢ್‌ನಲ್ಲಿ ತರಬೇತಿ ಚಟುವಟಿಕೆ ಸಹ ನಡೆಸಲಾಗುತ್ತಿದೆ. ತರಬೇತಿ ಮಾದರಿಯನ್ನು ಬದಲಾದ ಭದ್ರತಾ ಸನ್ನಿವೇಶವನ್ನು ಮನಸ್ಸಿನಲ್ಲಿಟ್ಟುಕೊಂಡು ರೂಪಿಸಲಾಗಿದೆ ಎಂದು ಅಧಿಕಾರಿ ಹೇಳಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ