ಹುಂಡೈ ಮೋಟಾರ್‌ನ ಭಾರತದ ಮ್ಯಾನೇಜಿಂಗ್ ಡೈರೆಕ್ಟರ್ ಎಚ್.ಎಸ್ ಲಿಹೀಮ್ ಅವರಿಗಿದು ಪರೀಕ್ಷಾ ಸಂದರ್ಭ.
ದೇಶಿಯ ಬೇಡಿಕೆಯಲ್ಲಿ ಇಳಿಕೆ ಸಾಲದೆಂಬಂತೆ, ರಫ್ತು ಮಾರುಕಟ್ಟೆಯಲ್ಲೂ ಬೇಡಿಕೆ ಇಳಿಮುಖವಾಗಿದೆ. ಯುರೋಪಿನಂತಹ ಮಾರುಕಟ್ಟೆಗಳಲ್ಲಿ ಮಾರಾಟ 50 ಪ್ರತಿಶತದಷ್ಟು ಕೆಳಕ್ಕಿಳಿದಿದೆ. ಇದರಿಂದಾಗಿ ಮುಂದಿನ ಎರಡು ತ್ರೈಮಾಸಿಕಗಳ ಅವಧಿಗೆ ಉತ್ಪಾದನೆಯನ್ನು ಕನಿಷ್ಠ 25 ಪ್ರತಿಶತದಷ್ಟಾದರೂ ಕಡಿತಗೊಳಿಸುವುದು ಅನಿವಾರ್ಯವಾಗಿದೆ.
"ಬೇಡಿಕೆ ಬಹಳ ಕೆಳಮಟ್ಟದಲ್ಲಿ ಉಳಿದಿಕೊಂಡಿರುವುದರಿಂದ ಡಿಸೆಂಬರ್ 29ರ ನಂತರ ನಾವು ಈಗಿರುವ ಮೂರು ಪಾಳಿಗೆ ಬದಲು ಎರಡು ಪಾಳಿಯಲ್ಲಿ ಕಾರ್ಯಾಚರಿಸಲಿದ್ದೇವೆ" ಎಂದು ಲಿಹೀಮ್ ಹೇಳಿದ್ದಾರೆ.
ಮುಂದಿನ ವರ್ಷದ ಆರಂಭದಿಂದ ತನ್ನ ಎಲ್ಲಾ ಉತ್ಪನ್ನಗಳ ಮೇಲೆ 2 ಪ್ರತಿಶತದಷ್ಟು ಬೆಲೆಯನ್ನು ಹೆಚ್ಚಿಸುವ ಬಗ್ಗೆ ಹುಂಡೈ ಯೋಜಿಸುತ್ತಿದೆ.
ಆದರೆ, ಇವೆಲ್ಲದರ ಹೊರತಾಗಿಯೂ ಕಂಪೆನಿ ತನ್ನ ಗುರಿಗಳನ್ನು ಮರುಪರಿಶೀಲಿಸಿಲ್ಲ. 10ಪ್ರತಿಶತ ದೇಶಿಯ ಮಾರುಕಟ್ಟೆಯಿಂದ ಸೇರಿದಂತೆ 1,50,000 ಐ20 ರಷ್ಟು ಮಾರಾಟದ ಯೋಜನೆಯನ್ನು 2009ಕ್ಕೆ ಕಂಪೆನಿ ನಿಗದಿ ಪಡಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ