ಗಾಜಾ ಪಟ್ಟಿಯ ಮೇಲೆ ಇಸ್ರೆಲ್ ಮಾರಕ ಸೇನಾದಾಳಿ ನಡೆಸಿದ ಹಿನ್ನೆಲೆಯಲ್ಲಿ ತೈಲ ಸರಬರಾಜು ಕಡಿತಗೊಳಿಸುವಂತೆ ಇರಾನ್‌ನ ಮಿಲಿಟರಿ ಕಮಾಂಡರ್ ನೀಡಿದ ಆದೇಶದ ಹಿನ್ನೆಲೆಯಲ್ಲಿ ಹಾಗೂ ರಷ್ಯಾ ಮತ್ತು ಉಕ್ರೇನ್ ಮಧ್ಯೆ ಅನಿಲ್ ಸರಬರಾಜು ಕುರಿತಂತೆ ಬಿಕ್ಕಟ್ಟು ಎದುರಾಗಿದ್ದರಿಂದ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಪ್ರತಿ ಬ್ಯಾರೆಲ್‌ಗೆ 47ಡಾಲರ್ಗಳಿಗೆ ತಲುಪಿದೆ. ಒಪೆಕ್ ಪ್ರತಿ ದಿನ 3500 ಮಿಲಿಯನ್ ಬ್ಯಾರೆಲ್‌ಗಳ ಕಡಿತ ಘೋಷಿಸಿದ್ದು ಹಾಗೂ ಅಮೆರಿಕದ ಇಂಧನ ವಿಭಾಗ ತುರ್ತುಪರಿಸ್ಥಿತಿಯ ಸಂದರ್ಭಗಳಿಗಾಗಿ ಕಚ್ಚಾ ತೈಲ ಮೀಸಲು ಸಂಗ್ರಹಣೆಯನ್ನು ಬಲಯುತವಾಗಿ ಆರಂಭಿಸಿದ್ದರಿಂದ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಏರಿಕೆಯಾಗಿದೆ. ಅಮೆರಿಕದಲ್ಲಿ ಫೆಬ್ರವರಿ ತಿಂಗಳ ಸರಬರಾಜಿನಲ್ಲಿ 86 ಸೆಂಟ್‌ಗಳ ಏರಿಕೆಯಾಗಿ ಪ್ರತಿ ಬ್ಯಾರೆಲ್‌ಗೆ 48.68 ಡಾಲರ್ಗಳಿಗೆ ತಲುಪಿದೆ.ಕಳೆದ ವಾರದಲ್ಲಿ ರಷ್ಯಾ ಮತ್ತು ಉಕ್ರೇನ್ ಮಧ್ಯೆ ಉಂಟಾದ ಅನಿಲ ಸರಬರಾಜು ಬಿಕ್ಕಟ್ಟು ಹಾಗೂ ಒಪೆಕ್ ಸದಸ್ಯ ರಾಷ್ಟ್ರಗಳಿಂದ ತೈಲ ಉತ್ಪಾದನೆ ಕಡಿತ ಮತ್ತು ಇಸ್ರೆಲ್ ಯುದ್ಧ ಘೋಷಣೆಯಿಂದಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಏರಿಕೆಗೆ ಕಾರಣವಾಗಿದೆ ಎಂದು ತೈಲ ಮೂಲಗಳು ತಿಳಿಸಿವೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
