ಅಮೆರಿಕದ ಶೇರು ಪಟ್ಟಿಯಲ್ಲಿ ಸ್ಥಾನಗಿಟ್ಟಿಸಿದ್ದ ಭಾರತೀಯ ಶೇರುಗಳು ವಾರ ಒಂದರ ಅವಧಿಯಲ್ಲಿ ಎರಡು ಶತಕೋಟಿ ಡಾಲರ್ ನಷ್ಟ ಅನುಭವಿಸಿದೆ. ಎನ್‌ವೈಎಸ್ಇಯಲ್ಲಿ ಸ್ಥಾನ ಪಡೆದಿದ್ದ ಸತ್ಯಂ ಕಂಪ್ಯೂಟರ್ಸ್‌ನ ಅಸತ್ಯ ಹೊರಬಿದ್ದ ಬಳಿಕ ಭಾರತೀಯ ಶೇರುಗಳು ಭಾರೀ ಮಟ್ಟದ ಹೊಡೆತ ಕಂಡಿವೆ.
ಸತ್ಯಂ ಶೇರುಗಳ ವ್ಯವಹಾರವನ್ನು ಬುಧವಾರವೇ ಸ್ಥಗಿತಗೊಳಿಸಲಾಗಿದೆ. ಇದರಿಂದಾಗಿ ಎನ್‌ವೈಎಸ್ಇಯಲ್ಲಿ ಪಟ್ಟಿಯಾಗಿದ್ದ ಇತರ 15 ಭಾರತೀಯ ಕಂಪೆನಿಗಳ ಶೇರುಗಳು ನೆಲಕಚ್ಚಿದ್ದು, ಜನವರಿ 9ಕ್ಕೆ ಅಂತ್ಯಗೊಂಡ ವಾರದಲ್ಲಿ 1.94 ಶತಕೋಟಿ ಡಾಲರ್ ನಷ್ಟ ದಾಖಲಾಗಿದೆ.
ಏತನ್ಮಧ್ಯೆ, ಸತ್ಯಂ ಸಂಸ್ಥೆಯನ್ನು ಇತರ ಯಾವುದಾದರೂ ಎದುರಾಳಿ ಸಂಸ್ಥೆ ಖರೀದಿ ಮಾಡಬಹುದು ಎಂಬ ನಿರೀಕ್ಷೆಯಲ್ಲಿ ಪ್ರಥಮ ಎರಡು ದಿನಗಳ ಕಾಲ ಸತ್ಯಂ ಶೇರುಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, 2.26 ಶತಕೋಟಿ ಲಾಭ ಗಳಿಸಿತ್ತು.
ಜನವರಿ ಏಳರಿಂದ ಎನ್‌ವೈಎಸ್ಇ ಸತ್ಯಂ ಕಂಪ್ಯೂಟರ್ಸ್ ವ್ಯವಹಾರ ಸ್ಥಗಿತಗೊಳಿಸಿತ್ತು. ಸತ್ಯಂ ಸಂಸ್ಥಾಪಕ ರಾಮಲಿಂಗಾ ರಾಜು ಅವರು ಸಂಸ್ಥೆಯಲ್ಲಿನ ಹಣಕಾಸು ಅವ್ಯವಹಾರವನ್ನು ಬಹಿರಂಗ ಪಡಿಸಿದ ಬಳಿಕ ಈ ಸಂಸ್ಥೆಯನ್ನು ಪಟ್ಟಿಯಿಂದ ಹೊರಗಿಡಲಾಗಿತ್ತು.
ಇದರಿಂದಾಗಿ ಎಚ್‌ಡಿಎಫ್‌ಸಿ ಮತ್ತು ಐಸಿಐಸಿಐ ಬ್ಯಾಂಕುಗಳ ಶೇರುಗಳ ಮೇಲೂ ತೀವ್ರ ಪರಿಣಾಮ ಬೀರಿದೆ. ಇವೆರಡರ ಶೇರುಗಳು ಅನುಕ್ರಮವಾಗಿ 1.20ಶತ ಕೋಟಿ ಮತ್ತು 1.04 ಶತಕೋಟಿ ಡಾಲರ್ ನಷ್ಟ ಅನುಭವಿಸಿವೆ.
ಇನ್ನೊಂದು ಐಟಿ ದೈತ್ಯ ವಿಪ್ರೋ 227 ಬಿಲಿಯನ್ ಡಾಲರ್ ಕುಸಿತ ಕಂಡಿದೆ. ಇದಲ್ಲದೆ, ಟಾಟಾ ಕಮ್ಯೂನಿಕೇಶನ್, ಮಹಾನಗರ್ ಟೆಲಿಫೋನ್ ನಿಗಮ್‌ಗಳ ಶೇರುಗಳು ಕುಸಿತ ಕಂಡಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ