ಮಕರ ಸಂಕ್ರಾಂತಿ ಹಿನ್ನೆಲೆಯಲ್ಲಿ ಚಿನ್ನದ ಖರೀದಿ ಆಸಕ್ತಿ ಹೆಚ್ಚಿದ ಕಾರಣದಿಂದಾಗಿ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆಯು ಸೋಮವಾರ 10 ಗ್ರಾಂ.ಗೆ 10 ರೂ. ಏರಿಕೆ ಕಂಡು 13,500 ರೂಪಾಯಿಯಲ್ಲಿ ಸ್ಥಿರವಾಯಿತು. ಆದರೆ, ಬೆಳ್ಳಿಯ ಬೆಲೆ ಸೂಕ್ತ ಬೆಂಬಲ ಇಲ್ಲದ ಕಾರಣದಿಂದಾಗಿ ಕುಸಿತ ಕಂಡಿತು.
ಮಕರ ಸಂಕ್ರಾಂತಿಯನ್ನು ಹಿಂದೂಗಳು ಶುಭದಿನವಾಗಿ ಪರಿಗಣಿಸಿ, ಚಿನ್ನಾಭರಣ ಖರೀದಿಗೆ ಮುಂದಾಗಿರುವುದರಿಂದ ಬೇಡಿಕೆ ಹೆಚ್ಚಳವಾಗಿ ಬೆಲೆಯೂ ಏರಿಕೆ ಕಂಡಿತು ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ.
10 ಗ್ರಾಂ ಸ್ಟ್ಯಾಂಡರ್ಡ್ ಚಿನ್ನ ಮತ್ತು ಆಭರಣ ಚಿನ್ನದ ದರವು ತಲಾ 10 ರೂ. ಏರಿಕೆ ಕಂಡು ಅನುಕ್ರಮವಾಗಿ 13,500 ಹಾಗೂ 13,350 ರೂ. ತಲುಪಿದವು. ಸೊವರಿನ್ (8 ಗ್ರಾಂ) ಚಿನ್ನವು 25 ರೂ. ಏರಿಕೆ ಕಂಡು 10,750 ರೂ.ಗೆ ತಲುಪಿತು.
ಮತ್ತೊಂದೆಡೆ, ಬೆಳ್ಳಿಯ ಬೆಲೆಯು ಕಿಲೋಗೆ 20 ರೂ. ಕುಸಿದು 18,430 ರೂ.ಗೆ ತಲುಪಿತಾದರೂ, ಬೆಳ್ಳಿ ನಾಣ್ಯದ ಬೆಲೆಯು ಸ್ಥಿರತೆ ಕಾಯ್ದುಕೊಂಡಿದ್ದು, 100 ನಾಣ್ಯಗಳ ಖರೀದಿಗೆ 27000 ರೂ. ಹಾಗೂ ಮಾರಾಟಕ್ಕೆ 27,100 ರೂಪಾಯಿ ಇತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ