ಯಾಹೂ ಕಂಪೆನಿಯ ನೂತನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾದ ಕರೋಲ್ ಬರ್ಟ್ಝ್, ಬೋನಸ್ ಮತ್ತು ಶೇರುಗಳ ಪಾಲುದಾರಿಕೆ ಸೇರಿದಂತೆ ವಾರ್ಷಿಕವಾಗಿ 19 ಮಿಲಿಯನ್ ಡಾಲರ್ಗಳ ಭತ್ಯೆಯನ್ನು ಪಡೆಯಲಿದ್ದಾರೆ ಎಂದು ಯಾಹೂ ಕಂಪೆನಿ ಶೇರುಪೇಟೆಗೆ ನೀಡಿದ ಮಾಹಿತಿಯಲ್ಲಿ ಬಹಿರಂಗಪಡಿಸಿದೆ.
ಪ್ರಸಕ್ತ ವಾರದಲ್ಲಿ ಕರೋಲ್ ಬರ್ಟ್ಝ್ ನೇಮಕಾತಿಯನ್ನು ಯಾಹೂ ಕಂಪೆನಿ ಖಚಿತಪಡಿಸಿದ್ದು, ಮಾರಾಟ, ಮತ್ತು ಮೆಕ್ರೋಸಾಫ್ಟ್ನೊಂದಿಗೆ ಸರ್ಚ್ ಡೀಲ್ ಕುರಿತಂತೆ ಕಂಪೆನಿಯ ಒಪ್ಪಂದಗಳ ಮಹತ್ವದ ನಿರ್ಧರಗಳನ್ನು ತೆಗೆದುಕೊಳ್ಳಲಿದ್ದಾರೆ ಎಂದು ಯಾಹೂ ಕಂಪೆನಿ ತಿಳಿಸಿದೆ.
ಬರ್ಟ್ಝ್ ಯಾಹೂ ಕಂಪೆನಿಯಿಂದ ವಾರ್ಷಿಕವಾಗಿ 1 ಮಿಲಿಯನ್ ಡಾಲರ್ ವೇತನ ನಿಗದಿಪಡಿಸಲಾಗಿದ್ದು, 10 ಮಿಲಿಯನ್ ಡಾಲರ್ ಹಣವನ್ನು ಶೇರುಗಳ ರೂಪದಲ್ಲಿ ಪಡೆಯಲಿದ್ದಾರೆ. ಫೆಬ್ರವರಿ ತಿಂಗಳಿನಲ್ಲಿ ಸುಮಾರು 8 ಮಿಲಿಯನ್ ಡಾಲರ್ ಶೇರು ಅನುದಾನವನ್ನು ಪಡೆಯಲಿದ್ದಾರೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.
ಯಾಹೂ ಕಂಪೆನಿಯ ಅಡಳಿತ ಮಂಡಳಿಯ ಪರಿಹಾರ ಸಮಿತಿ, ಕಂಪೆನಿಯ ನೀತಿ ಹಾಗೂ ಸಿಇಒ ಕಾರ್ಯದಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ನೀಡಲಾಗುವ ವಾರ್ಷಿಕ 2 ಮಿಲಿಯನ್ಗಳಿಂದ 4 ಮಿಲಿಯನ್ಗಳವರೆಗಿನ ಬೋನಸ್ ಭತ್ಯೆಯನ್ನು ಕರೋಲ್ ಪಡೆಯಲಿದ್ದಾರೆ ಎಂದು ಕಂಪೆನಿಯ ಉನ್ನತ ಅಧಿಕಾರಿಗಳು ತಿಳಿಸಿದ್ದಾರೆ. |