ದೇಶದ ಪ್ರಮುಖ ಖಾಸಗಿ ವಿಮಾನಯಾನ ಸಂಸ್ಥೆಗಳಾದ ಕಿಂಗ್ಫಿಶರ್ ಏರ್‌ಲೈನ್ಸ್‌ ಹಾಗೂ ಜೆಟ್ಏರ್ವೇಸ್ ಮೈತ್ರಿ ಸಂಪೂರ್ಣ ಕಾರ್ಯರೂಪಕ್ಕೆ ಬರಲು ಸುಮಾರು ಆರು ತಿಂಗಳು ಸಮಯವಕಾಶ ಅಗತ್ಯವಿದೆ ಎಂದು ಕಿಂಗ್ಫಿಶರ್ ಮುಖ್ಯಸ್ಥ ವಿಜಯ್ ಮಲ್ಯ ಹೇಳಿದ್ದಾರೆ.ಉಭಯ ವಿಮಾನಯಾನ ಸಂಸ್ಥೆಗಳು ಹಲವು ವಿಭಾಗಗಳಲ್ಲಿ ಪರಸ್ಪರ ಸಹಕಾರದಿಂದ ಮುನ್ನಡೆಯುತ್ತಿದ್ದು, ಒಪ್ಪಂದವನ್ನು ಸಂಪೂರ್ಣವಾಗಿ ಕಾರ್ಯಗತಗೊಳಿಸಲು ಸಮಯದ ಅಗತ್ಯವಿದೆ ಎಂದು ಮಲ್ಯ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಕಿಂಗ್ಫಿಶರ್ ಅಥವಾ ಜೆಟ್ಏರ್ವೇಸ್ ನಿಗದಿಪಡಿಸಿದ ವಿಮಾನ ಹಾರಾಟವನ್ನು ಏಕಕಾಲಕ್ಕೆ ಬದಲಿಸುವುದು ಸುಲಭದ ಕಾರ್ಯವಲ್ಲ ಎಂದು ಉದ್ಯಮಿ ವಿಜಯ್ ಮಲ್ಯ ತಿಳಿಸಿದ್ದಾರೆ.ಮುಂದಿನ ಮೂರು ತಿಂಗಳಿನಿಂದ ಆರು ತಿಂಗಳುಗಳವರೆಗೆ ಮೈತ್ರಿ ಸಂಪೂರ್ಣವಾಗಿ ಜಾರಿಯಾಗುವುದೇ? ಎಂದು ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಮಲ್ಯ, ಖಂಡಿತ ಶೇ.100 ರಷ್ಟು ಜಾರಿಗೆ ಬರಲಿದೆ. ಉಭಯ ವಿಮಾನಯಾನ ಸಂಸ್ಥೆಗಳಿಗೂ ತೊಂದರೆಯಾಗದಂತೆ ಒಪ್ಪಂದವನ್ನು ಸೂಕ್ಷ್ಮವಾಗಿ ಜಾರಿಗೊಳಿಸಲಾಗುವುದು ಎಂದರು. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
