ಕಳೆದ ವಾರ ಜಪಾನ್‌ನ ಬುಲೆಟ್‌ ರೈಲಿನಲ್ಲಿ ಪ್ರಯಾಣಿಸಿ ಅನುಭವ ಪಡೆದು ಭಾರತಕ್ಕೆ ಮರಳಿದ ಕೇಂದ್ರ ರೈಲ್ವೆ ಖಾತೆ ಸಚಿವ ಲಾಲುಪ್ರಸಾದ್ ಯಾದವ್, ದೇಶದ ಕೆಲ ಭಾಗಗಳಲ್ಲಿ ಬುಲೆಟ್‌ ರೈಲುಗಳ ಸೌಲಭ್ಯ ಒದಗಿಸಲು ಜಾಗತಿಕ ಮಟ್ಟದ ಕಂಪೆನಿಗಳನ್ನು ನೇಮಕ ಮಾಡುವ ಸಿದ್ದತೆಯಲ್ಲಿದ್ದಾರೆ ಎಂದು ರೈಲ್ವೆ ಮೂಲಗಳು ತಿಳಿಸಿವೆ. ದೇಶದಲ್ಲಿ ಬುಲೆಟ್‌ ರೈಲುಗಳು ಸಂಚರಿಸುವ ದಿನಗಳು ತುಂಬಾ ದೂರವಿಲ್ಲ ಎಂದು ಸಚಿವ ಲಾಲು ಪ್ರಸಾದ್ ಯಾದವ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.ದೇಶದ ಕೆಲ ಭಾಗಗಳಲ್ಲಿ ಬುಲೆಟ್‌ ರೈಲುಗಳ ಸೌಲಭ್ಯ ಒದಗಿಸಲು ಜಾಗತಿಕ ಮಟ್ಟದ ಕಂಪೆನಿಗಳನ್ನು ನೇಮಕ ಮಾಡಿಕೊಳ್ಳಲು ರೈಲ್ವೆ ಇಲಾಖೆ ನಿರ್ಧರಿಸಿದೆ ಎಂದು ತಿಳಿಸಿದ್ದಾರೆ.ಮುಂಬೈ- ಅಹಮದಾಬಾದ್, ದೆಹಲಿ ಚಂಡೀಗಢ್ ಮತ್ತು ದೆಹಲಿ ಪಾಟ್ನಾ ಮಾರ್ಗದಲ್ಲಿ ಬುಲೆಟ್‌ ರೈಲುಗಳ ಸೌಲಭ್ಯ ಒದಗಿಸುವ ಸಾಧ್ಯತೆಗಳಿವೆ ಎಂದು ಸಚಿವ ಲಾಲು ಹೇಳಿದ್ದಾರೆ. ಕಳೆದ ವಾರ ಜಪಾನ್‌ಗೆ ಭೇಟಿ ನೀಡಿದ್ದ ಕೇಂದ್ರ ರೈಲ್ವೆ ಸಚಿವ ಲಾಲು ಪ್ರಸಾದ್ ಯಾದವ್, ಟೋಕಿಯೊದಿಂದ ಕೊಯಾಟೊಗೆ ಪ್ರತಿ ಗಂಟೆಗೆ 300 ಕಿ.ಮಿ. ವೇಗದಲ್ಲಿ ಸಂಚರಿಸುವ ಬುಲೆಟ್‌ ರೈಲಿನಲ್ಲಿ ಪ್ರಯಾಣಿಸಿ ಅನುಭವ ಪಡೆದಿದ್ದರು.ಬುಲೆಟ್‌ ರೈಲು ಅನುಭವದ ಬಗ್ಗೆ ಸುದ್ದಿಗಾರರು ಸಚಿವ ಲಾಲು ಪ್ರಸಾದ್ ಯಾದವ್ ಅವರನ್ನು ಕೇಳಿದಾಗ, ಅದೊಂದು ಅದ್ಭುತ ಅನುಭವ ಜಪಾನ್‌ನಲ್ಲಿ ಬುಲೆಟ್‌ ಟ್ರೆನ್‌ಗಳ ನಿರ್ವಹಣೆಯನ್ನು ತುಂಬಾ ಅಚ್ಚುಕಟ್ಟಾಗಿ ಮಾಡಿದ್ದಾರೆ ಎಂದು ಸಚಿವ ಲಾಲು ಶ್ಲಾಘಿಸಿದರು. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
