ಟೆಲಿಕಾಂ ಸೇವೆಯನ್ನು ನೀಡುತ್ತಿರುವ ಟಾಟಾ ಟೆಲಿ ಸರ್ವಿಸಸ್‌, ಇಂಪೆಟಸ್‌ ಟೆಕ್ನಾಲಾಜೀಸ್‌ನೊಂದಿಗೆ ಜಂಟಿಯಾಗಿ ಮಂಡಿ ಭಾವ್ ಎನ್ನುವ ಹೆಸರಿನಲ್ಲಿ ಅಗತ್ಯ ವಸ್ತುಗಳ ದರಗಳನ್ನು ಮೊಬೈಲ್‌ನಲ್ಲಿ ಬಿತ್ತರಿಸುವ ಸೇವೆಯನ್ನು ಆರಂಭಿಸಿದೆ. ಮಂಡಿ ಭಾವ್ ಸೇವೆಯನ್ನು ಬಿತ್ತರಿಸುವುದರಿಂದಾಗಿ ಟಾಟಾ ಇಂಡಿಕಾಂನ ಗ್ರಾಹಕರಾದ ವ್ಯಾಪಾರಿಗಳು ಹಾಗೂ ಕೃಷಿಕರಿಗೆ ಅಗತ್ಯ ವಸ್ತುಗಳ ದರಗಳ ಕುರಿತಂತೆ ಎಲ್ಲ ಮಾರುಕಟ್ಟೆಗಳ ವಿವರಗಳು ಲಭ್ಯವಾಗುವುದರಿಂದ ಉತ್ಪನ್ನಗಳ ಖರೀದಿ ಹಾಗೂ ಮಾರಾಟಕ್ಕೆ ಅನುಕೂಲವಾಗಲಿದೆ ಎಂದು ಟಾಟಾ ಟೆಲಿಕಾಂನ ಸಿಒಒ(ಪಂಜಾಬ್, ಹಿಮಾಚಲ್‌ ಪ್ರದೇಶ್) ಟಿಪಿಎಸ್ ವಾಲಿಯಾ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಮಂಡಿ ಭಾವ್‌ನಲ್ಲಿ 3 ಸಾವಿರ ಸ್ಥಳೀಯ ಮಾರುಕಟ್ಟೆಗಳ ಹಾಗೂ ದೇಶದ ಪ್ರಮುಖ 500 ಮಾರುಕಟ್ಟೆಗಳ ವಿವರಗಳು ಮೊಬೈಲ್‌ನಲ್ಲಿ ಬಿತ್ತರಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
