ವಿದೇಶಿ ವಿನಿಮಯ ಮಾರುಕಟ್ಟೆಯ ಆರಂಭದ ವಹಿವಾಟಿನಲ್ಲಿ ಮಾರಾಟದ ಒತ್ತಡದಿಂದಾಗಿ ಡಾಲರ್ ಎದುರಿಗೆ ರೂಪಾಯಿ 4 ಪೈಸೆ ಏರಿಕೆ ಕಂಡಿದೆ.ಬಂಡವಾಳದ ಹೊರಹರಿವು ಹೆಚ್ಚಳದಿಂದಾಗಿ ವಹಿವಾಟು ದುರ್ಬಲವಾಗುವ ನಿರೀಕ್ಷೆಯಿಂದಾಗಿ ದೇಶಿಯ ಕರೆನ್ಸಿ ರೂಪಾಯಿ ಡಾಲರ್ ಎದುರಿಗೆ 49.16 ರಿಂದ 49.40ರೂ.ಗಳವರೆಗೆ ತಲುಪುವ ಸಾಧ್ಯತೆಗಳಿವೆ ಎಂದು ಮಾರುಕಟ್ಟೆಯ ಡೀಲರ್ಗಳು ತಿಳಿಸಿದ್ದಾರೆ.ಹಿಂದಿನ ದಿನದ ವಹಿವಾಟಿನಲ್ಲಿ ಡಾಲರ್ ಎದುರಿಗೆ ರೂಪಾಯಿ 49.20/22ವರೆಗೆ ತಲುಪಿದ್ದು, ಬುಧವಾರದ ವಹಿವಾಟು ಆರಂಭವಾದ ಅರ್ಧ ಗಂಟೆಯಲ್ಲಿ ಡಾಲರ್ ಎದುರಿಗೆ ರೂಪಾಯಿ 4 ಪೈಸೆ ಏರಿಕೆಯಾಗಿ 49.25/27ರೂ.ಗಳಿಗೆ ತಲುಪಿದೆ. ಇಂದಿನ ಶೇರುಪೇಟೆಯ ಆರಂಭದಲ್ಲಿ ವಿದೇಶಿ ಬಂಡವಾಳ ಹೂಡಿಕೆದಾರರ ಹೊರಹರಿವು ಹೆಚ್ಚಳವಾದ ಹಿನ್ನೆಲೆಯಲ್ಲಿ ಶೇರುಸೂಚ್ಯಂಕ 221 ಪಾಯಿಂಟ್ಗಳಿಗೆ ಕುಸಿದಿದೆ. |