ಟೋಯೋಟಾ ವಾಹನೋದ್ಯಮ ಸಂಸ್ಥೆ, ಎದುರಾಳಿ ಕಂಪೆನಿಯಾದ ಡೆಟ್ರಾಯಿಟ್‌ನ ಜನರಲ್ ಮೋಟಾರ್ಸ್ ವಾಹನೋದ್ಯಮ ಸಂಸ್ಥೆಯನ್ನು ಹಿಂದಕ್ಕೆ ತಳ್ಳಿ ಸುಮಾರು 77 ವರ್ಷಗಳ ನಂತರ ಜಗತ್ತಿನ ನಂಬರ್ ಒನ್ ಸ್ಥಾನವನ್ನು ಅಲಂಕರಿಸಿದೆ. ಜಾಗತಿಕ ಆರ್ಥಿಕ ಕುಸಿತದಿಂದಾಗಿ ಕಾರುಗಳ ಮಾರಾಟದ ಬೇಡಿಕೆಯಲ್ಲಿ ಕುಸಿತವಾಗಿದ್ದರಿಂದ, ಅಮೆರಿಕದ ಮೂರು ಪ್ರಮುಖ ವಾಹನೋದ್ಯಮ ಕಂಪೆನಿಗಳು ಸೇರಿದಂತೆ ಜಗತ್ತಿನ ಅನೇಕ ವಾಹನೋದ್ಯಮ ಸಂಸ್ಥೆಗಳಿಗೆ ಅಸ್ತಿತ್ವದ ಆತಂಕ ಕಾಡುತ್ತಿದೆ. ಕಳೆದ ವರ್ಷ ಜನರಲ್ ಮೋಟಾರ್ಸ್ 8.35 ಮಿಲಿಯನ್ ವಾಹನಗಳನ್ನು ಮಾರಾಟ ಮಾಡಿದ್ದು,ಟೋಯೋಟಾ 8.97 ಮಿಲಿಯನ್ ವಾಹನಗಳನ್ನು ಮಾರಾಟ ಮಾಡಿ ಜನರಲ್ ಮೋಟಾರ್ಸ್‌ನ 77 ವರ್ಷಗಳ ಏಕಚಕ್ರಾಧಿಪತ್ಯವನ್ನು ಅಂತ್ಯಗೊಳಿಸಿದೆ.ಆದರೆ ಜಾಗತಿಕ ಬೇಡಿಕೆ ಇಳಿಕೆಯಾದ ಹಿನ್ನೆಲೆಯಲ್ಲಿ ಉಭಯ ಕಂಪೆನಿಗಳು ವಾಹನಗಳ ಬೇಡಿಕೆ ಕುಸಿತವನ್ನು ಎದುರಿಸುತ್ತಿವೆ. ಜನರಲ್ ಮೋಟಾರ್ಸ್ ವಾಹನಗಳ ಮಾರಾಟದಲ್ಲಿ ಶೇ.11 ರಷ್ಟು ಕುಸಿತವಾಗಿದ್ದು, ಟೋಯೋಟಾ ವಾಹನಗಳ ಮಾರಾಟದಲ್ಲಿ ಶೇ.4 ರಷ್ಟು ಕುಸಿತವಾಗಿದೆ. ಟೋಯೋಟಾ ಬೆಳವಣಿಗೆಗಳು ಸಕಾರಾತ್ಮಕವಲ್ಲ. ಜನರಲ್ ಮೋಟಾರ್ಸ್ ಸಂಸ್ಥೆಯ ವಾಹನಗಳ ಮಾರಾಟದಲ್ಲಿ ಕುಸಿತವಾಗಿದ್ದರಿಂದ ಟೋಯೋಟಾಗೆ ಜನರಲ್ ಮೋಟಾರ್ಸ್ ಸ್ಥಾನವನ್ನು ಪಡೆಯುವ ಅವಕಾಶ ದೊರೆತಿದೆ ಎಂದು ಟೋಕಿಯೋ ರಿಸರ್ಚ್ ಸೆಂಟರ್‌ನ ವಾಹನೋದ್ಯಮ ತಜ್ಞ ಮಮೊರು ಕಟೊ ಅಭಿಪ್ರಾಯಪಟ್ಟಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
