ವಾರ್ಷಿಕ ಹಣದುಬ್ಬರ ದರ ಜನೆವರಿ 24ಕ್ಕೆ ವಾರಂತ್ಯಗೊಂಡಂತೆ ಶೇ.5.07ಕ್ಕೆ ಇಳಿಕೆಯಾಗಿದೆ ಎಂದು ವಿತ್ತಸಚಿವಾಲಯದ ಮೂಲಗಳು ತಿಳಿಸಿವೆ. ಕಳೆದ ವರ್ಷದ ಜನೆವರಿ ತಿಂಗಳಿನಲ್ಲಿ ಶೇ.4.78 ರಷ್ಟಿದ್ದ ಹಣದುಬ್ಬರ ದರ ಪ್ರಸಕ್ತ ವರ್ಷದಲ್ಲಿ ಶೇ.5.07ಕ್ಕೆ ತಲುಪಿದೆ. ಅಗತ್ಯ ವಸ್ತುಗಳ ಸಗಟು ಸೂಚ್ಯಂಕ ದರ 2009ರ ಜನೆವರಿ 24ಕ್ಕೆ ವಾರಂತ್ಯಗೊಂಡಂತೆ ಶೇ.0.2 ರಷ್ಟು ಇಳಿಕೆಯಾಗಿ 230.1 ಕ್ಕೆ ತಲುಪಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಹಾರ ಧಾನ್ಯಗಳ ಸೂಚ್ಯಂಕ ಕಳೆದ ವಾರ 244.9 ರಷ್ಟಿದ್ದು, ಪ್ರಸಕ್ತ ವಾರದಲ್ಲಿ 245.4ಕ್ಕೆ ಹೆಚ್ಚಳವಾಗಿ ಶೇ.0.2 ರಷ್ಟು ಏರಿಕೆ ಕಂಡಿದೆ. ಮೈದಾಶೇ.3 , ಭತ್ತ ಶೇ. 2 ,ರಾಗಿ ಹಾಲು, ದವಸಧಾನ್ಯ ಶೇ.1ರಷ್ಟು, ಹಣ್ಣು ತರಕಾರಿ ಮತ್ತು ಬಾಜ್ರಾ ಶೇ.2ರಷ್ಟು ಕಾಫಿ ಶೇ. 1 ರಷ್ಟು ಇಳಿಕೆಯಾಗಿದೆ. ಅಹಾರ ಧಾನ್ಯಗಳನ್ನು ಹೊರತುಪಡಿಸಿ ರಬ್ಬರ್ ಶೇ 6 ರಷ್ಟು, ಕೊಪ್ರಾ ಶೇ.5ರಷ್ಟು, ಕೊಬ್ಬರಿ ಎಣ್ಣೆ ಶೇ.3 ರಷ್ಟು ಇಳಿಕೆಯಾಗಿ ಇತರ ವಸ್ತುಗಳ ಸೂಚ್ಯಂಕ ಶೇ.0.7 ರಷ್ಟು ಕುಸಿತ ಕಂಡಿದೆ ಎಂದು ಮೂಲಗಳು ತಿಳಿಸಿವೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
