ಬ್ರಿಟೀಷ್ ಏರ್‌ವೇಸ್ ಭಾರತದ ಪ್ರಮುಖ ನಗರಗಳಿಂದ ಲಂಡನ್‌ಗೆ ಪ್ರಯಾಣಿಸಲು ಪ್ರೋತ್ಸಾಹಕ ಯೋಜನೆಯನ್ನು ಪ್ರಕಟಿಸಿದೆ. ಭಾರತದ ಪ್ರಮುಖ ನಗರಗಳಿಂದ ಲಂಡನ್‌ಗೆ ವಿಶೇಷ ಮೂಲ ದರ ಕೇವಲ 9,990 ರೂಪಾಯಿಗಳು. ಈವರೆಗೆ ಈ ದರ 22 ಸಾವಿರ ರುಪಾಯಿಗಳಾಗಿತ್ತು.
ಭಾರತದ ನವದೆಹಲಿ, ಮುಂಬೈ, ಚೆನ್ನೆ, ಹೈದರಾಬಾದ್ ಹಾಗೂ ಬೆಂಗಳೂರುಗಳಿಂದ ಲಂಡನ್‌ಗೆ ಪ್ರಯಾಣಿಸುವವರಿಗೆ ಮಾತ್ರ ಈ ವಿಶೇಷ ಮೂಲ ದರ ಅನ್ವಯವಾಗುತ್ತದೆ. ಇದಲ್ಲದೆ, ಈ ಮೂಲ ದರದೊಂದಿಗೆ ತೆರಿಗೆ ಹಾಗೂ ಇತರ ಶುಲ್ಕಗಳು ಒಳಗೊಳ್ಳುತ್ತವೆ. ಇದು ಸುಮಾರು 18 ಸಾವಿರ ರುಪಾಯಿಗಳಾಗಬಹುದು. ಹಾಗಾಗಿ ಒಟ್ಟು ಲಂಡನ್ ವಿಮಾನ ಪ್ರಯಾಣ ದರ 27,990 ರೂಪಾಯಿಗಳು ಎಂದು ಬ್ರಿಟೀಷ್ ಏರ್‌ವೇಸ್ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಬ್ರಿಟೀಷ್ ಏರ್‌ವೇಸ್‌ನ ದಕ್ಷಿಣ ಏಷ್ಯಾದ ಕಮರ್ಷಿಯಲ್ ವ್ಯವಸ್ಥಾಪಕ ಅಮಂಡಾ ಅಮೋಸ್ ಹೇಳುವಂತೆ, ಭಾರತ ಬ್ರಿಟೀಷ್ ಏರ್‌ವೇಸ್‌ನ ಅತ್ಯಂತ ಮುಖ್ಯಮಾದ ಮಾರುಕಟ್ಟೆಗಳಲ್ಲಿ ಒಂದು. ಹೀಗಾಗಿ ಅಲ್ಲಿನ ಗ್ರಾಹಕರಿಗೆ ಅತ್ಯುತ್ತಮ ಸೇವೆ ಒದಗಿಸುವುದು ನಮ್ಮ ಕರ್ತವ್ಯ ಎನ್ನುತ್ತಾರೆ. ಈ ಪ್ರೋತ್ಸಾಹಕ ಯೋಜನೆಯಡಿ ಬುಕ್ಕಿಂಗ್ ಮಾಡಲು ಮಾ.22ರವರೆಗೆ ಅವಕಾಶವಿದೆ. ವಾರಕ್ಕೆ 48 ವಿಮಾನಗಳ ಸೇವೆಯನ್ನು ಇದು ಭಾರತದ ಪ್ರಮುಖ ನಗರಗಳಿಗೆ ನೀಡುತ್ತಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ