ಭಾರತದಿಂದ ಕುವೈತ್‌ಗೆ ಪ್ರಯಾಣಿಸುವ ಪ್ರಯಾಣಿಕರಿಗಾಗಿ ಜೆಟ್‍‌ಏರ್‌ವೇಸ್ ಮುಂಬೈನಿಂದ ನೇರ ವಿಮಾನಯಾನ ಸೌಲಭ್ಯ ಕಲ್ಪಿಸಲಿದೆ ಎಂದು ಸಂಸ್ಥೆಯ ಮೂಲಗಳು ತಿಳಿಸಿವೆ. ಮಾರ್ಚ್ 29 ರಿಂದ ಭಾರತದಿಂದ ಕುವೈತ್‌ಗೆ ನೂತನ ವಿಮಾನಯಾನ ಸೇವೆ ಆರಂಭವಾಗಲಿದ್ದು, ಬೋಯಿಂಗ್ 737-800 ವಿಮಾನಗಳನ್ನು ಒದಗಿಸಲಾಗುವುದು ಎಂದು ಜೆಟ್ ಏರ್ವೇಸ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. ಭಾರತ-ಗಲ್ಫ್ ರಾಷ್ಟ್ರಗಳಲ್ಲಿ ಜೆಟ್ ಏರ್ವೇಸ್ ತಮ್ಮ ಅಸ್ತಿತ್ವವನ್ನು ಸಾಬೀತುಪಡಿಸಿದ್ದು, ಗುಣಮಟ್ಟ ಹಾಗೂ ಪ್ರಯಾಣಿಕರ ಸೇವೆಯಲ್ಲಿ ಮೆಚ್ಚುಗೆ ಗಳಿಸಿದೆ ಎಂದು ಜೆಟ್ ಏರ್ವೇಸ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ವೊಲ್ಫ್‌ಗಾಂಗ್ ಪ್ರೋಕ್ -ಸೆಶರ್ ಹೇಳಿದ್ದಾರೆ. ಮುಂಬೈನಿಂದ ಕುವೈತ್‌ಗೆ ನೇರ ವಿಮಾನ ಸೌಲಭ್ಯ ಪ್ರಯಾಣಿಕರ ಜನಪ್ರಿಯತೆ ಪಡೆಯಲಿದೆ ಎನ್ನುವ ವಿಶ್ವಾಸ ವ್ಯಕ್ತಪಡಿಸಿದರು. ಮುಂಬೈನಿಂದ ಕುವೈತ್‌ಗೆ ಪ್ರಯಾಣಿಸುವ ವಿಮಾನ ಸಂಜೆ 7 ಗಂಟೆಗೆ ಮುಂಬೈನಿಂದ ತೆರಳಲಿದ್ದು, ಕುವೈತ್‌ಗೆ 8.30ಕ್ಕೆ ತಲುಪಲಿದೆ. ಕುವೈತ್‌ನಿಂದ 9.30 ಗಂಟೆಗೆ ನಿರ್ಗಮಿಸುವ ವಿಮಾನ ಬೆಳಗಿನ ಜಾವ 4 ಗಂಟೆಗೆ ತಲುಪಲಿದೆ ಎಂದು ಜೆಟ್ ಏರ್ವೇಸ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
