ವಂಚನೆ ಪೀಡಿತ ಸತ್ಯಂ ಸಂಸ್ಥೆಯನ್ನು ಖರೀದಿಸ ಬಯಸುವ ಹೂಡಿಕೆದಾರರನ್ನು ಆಯ್ಕೆ ಮಾಡುವ ಪ್ರಕ್ರಿಯೆಗೆ ಸತ್ಯಂ ಅಡಳಿತ ಮಂಡಳಿ ಚಾಲನೆ ನೀಡಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ಸತ್ಯಂ ಕಂಪ್ಯೂಟರ್ ಸರ್ವಿಸಸ್ ಇತ್ತೀಚೆಗೆ ಶೇರುಪೇಟೆ ನಿಯಂತ್ರಕ ಸಂಸ್ಥೆ ಸೆಬಿಯಿಂದ ಕಂಪೆನಿಯ ಶೇ.51 ರಷ್ಟು ಶೇರುಗಳನ್ನು ಮಾರಾಟ ಮಾಡಲು ಅನುಮತಿ ಪಡೆದಿದೆ. ಸತ್ಯಂ ಬಿಡ್‌ನಲ್ಲಿ ಮೂಲದರ ನಿಗದಿಯಾಗಿರುವುದಿಲ್ಲ. ಸತ್ಯಂ ಶೇರುಗಳು ಖರೀದಿಸಬಯಸುವ ಆಸಕ್ತರು ಮಾರ್ಚ್ 12 ರೊಳಗೆ ಕಂಪೆನಿಯಲ್ಲಿ ಹೆಸರನ್ನು ನೋಂದಾಯಿಸಿಕೊಳ್ಳಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ. ಬಿಡ್‌ದಾರರು ಇಒಎಲ್‌ಗಳು , ಮಾರ್ಚ್ 20 ರೊಳಗೆ ಕನಿಷ್ಟ 1500 ಕೋಟಿ ರೂಪಾಯಿ ಹೂಡಿಕೆ ಸಾಮರ್ಥ್ಯದ ಸಾಕ್ಷಿಯನ್ನು ಸಲ್ಲಿಸಬೇಕಾಗಿದೆ ಎಂದು ಸತ್ಯಂ ತಿಳಿಸಿದೆ. ಸತ್ಯಂ ಅಡಳಿತ ಮಂಡಳಿ ಬಿಡ್‌ದಾರರ ಅರ್ಹತೆಗೆ ತಕ್ಕಂತೆ ಕೆಲ ಬಿಡ್‌ದಾರರನ್ನು ಅಂತಿಮಗೊಳಿಸಲಿದೆ ಎಂದು ಸತ್ಯಂ ಅಡಳಿತ ಮಂಡಳಿ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
