ಕಳೆದ ವರ್ಷದ ಅಗಸ್ಟ್ ತಿಂಗಳಲ್ಲಿ ಶೇ.12.91 ರಷ್ಟು ಹಣದುಬ್ಬರ ಏರಿಕೆಯಾಗಿ ಆತಂಕ ಸೃಷ್ಟಿಸಿತ್ತು. ಆದರೆ ಆರಂಭದಲ್ಲಿ ಹಣದುಬ್ಬರ ಇಳಿಕೆಯಾಗುತ್ತಿರುವಂತೆ ಸಂತಸ ಮೂಡಿಸಿತ್ತು. ಹಣದುಬ್ಬರ ಶೂನ್ಯಕ್ಕೆ ಇಳಿಕೆಯಾಗುತ್ತಿರುವುದು ಮತ್ತಷ್ಟು ಕಳವಳ ಮೂಡಿಸಿದೆ ಎಂದು ಮೂಲಗಳು ತಿಳಿಸಿವೆ. ಹಣದುಬ್ಬರ ವೇಗವಾಗಿ ಇಳಿಕೆಯಾಗುತ್ತಿರುವುದು ಬಿಗಿಯಿಲ್ಲದ ಆರ್ಥಿಕತೆಯನ್ನು ತೋರಿಸುವುದರಿಂದ ಕಳವಳ ಪಡುವ ವಿಷಯವಾಗಿದೆ ಎಂದು ಕೊಟ್ಯಾಕ್ ಮಹೇಂದ್ರ್ ಬ್ಯಾಂಕ್‌ನ ಮುಖ್ಯ ಆರ್ಥಿಕ ತಜ್ಞರಾದ ಇಂದ್ರಾನಿಲ್ ಪಾನ್ ಅಭಿಪ್ರಾಯಪಟ್ಟಿದ್ದು, ಹಣದುಬ್ಬರ ಶೂನ್ಯಕ್ಕೆ ಇಳಿಕೆಯಾಗಿ ಕೆಲ ಕಾಲ ಋಣಾತ್ಮಕ ವಲಯದಲ್ಲಿರಲಿದೆ ಎಂದು ತಿಳಿಸಿದ್ದಾರೆ. ಕಳೆದ ವರ್ಷ ಏರಿಕೆಯಾಗಿದ್ದ ತೈಲ ದರವನ್ನು ಕೇಂದ್ರ ಸರಕಾರ ಮತ್ತಷ್ಟು ಕಡಿತಗೊಳಿಸಿದ್ದರಿಂದ ಹಣದುಬ್ಬರ ಇಳಿಕೆಗೆ ಕಾರಣವಾಗಿದೆ ಎಂದು ಹೇಳಿದ್ದಾರೆ. ಮುಂಬರುವ ದಿನಗಳಲ್ಲಿ ಹಣದುಬ್ಬರ ಮತ್ತಷ್ಟು ಇಳಿಕೆಯಾಗಿ ಋಣಾತ್ಮಕವಲಯದತ್ತ ಸಾಗಲಿದೆ ಎಂದು ಫಿಚ್ ರೇಟಿಂಗ್ಸ್‌ನ ಆರ್ಥಿಕ ತಜ್ಞರಾದ ಜೇಮ್ಸ್ ಮ್ಯಾಕ್‌ ಕೊರ್ಮ್ಯಾಕ್ ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
