ವಾಹನೋದ್ಯಮದ ಪ್ರಮುಖ ಕಂಪೆನಿಯಾದ ಫೋರ್ಡ್ ಇಂಡಿಯಾ, ಜನೆವರಿ ತಿಂಗಳಿಗೆ ಹೋಲಿಸಿದಲ್ಲಿ ಫೆಬ್ರವರಿ ತಿಂಗಳಲ್ಲಿ ಕಾರುಗಳ ಮಾರಾಟದಲ್ಲಿ ಶೇ.35 ರಷ್ಟು ಹೆಚ್ಚಳವಾಗಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ಪ್ರಸಕ್ತ ವರ್ಷದ ಜನೆವರಿ ತಿಂಗಳಲ್ಲಿ 1956 ಕಾರುಗಳ ಮಾರಾಟವಾಗಿದ್ದು,ಫೆಬ್ರವರಿ ತಿಂಗಳಲ್ಲಿ 2,636 ಕಾರುಗಳ ಮಾರಾಟವಾಗಿದೆ ಎಂದು ಕಂಪೆನಿಯ ಅಧಿಕಾರಿಗಳು ತಿಳಿಸಿದ್ದಾರೆ. ವಾಹನಗಳ ವಾರ್ಷಿಕ ಮಾರಾಟದಲ್ಲಿ ಶೇ.8 ರಷ್ಟು ಏರಿಕೆಯಾಗಿದೆ ಎಂದು ಫೋರ್ಡ್ ಮೋಟಾರ್ಸ್ ಕಂಪೆನಿ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ. ನೂತನ ಫೋರ್ಡ್ ಐಕಾನ್ ಮಾಡೆಲ್ ಗ್ರಾಹಕರ ಮೆಚ್ಚುಗೆಗೆ ಕಾರಣವಾಗಿದೆ. ದೇಶದಾದ್ಯಂತ ಫೋರ್ಡ್ ಐಕಾನ್ ಮಾರಾಟದಲ್ಲಿ ದಾಖಲೆ ಸ್ಥಾಪಿಸಿದೆ ಎಂದು ತಿಳಿಸಿದೆ. 2008 ರಲ್ಲಿ ಬಿಡುಗಡೆಯಾದ ನೂತನ ಎಂಡೊವರ್ ಮಾಡೆಲ್, ಫೋರ್ಡ್ ಐಕಾನ್ ಕಾರುಗಳು ಗ್ರಾಹಕರನ್ನು ಹೆಚ್ಚು ಆಕರ್ಷಿಸಿವೆ ಎಂದು ಫೋರ್ಡ್ ಮಾರುಕಟ್ಟೆ ವಿಭಾಗದ ಉಪಾಧ್ಯಕ್ಷ ತಿಮೋತಿ ಟುಕ್ಕರ್ ಹೇಳಿದ್ದಾರೆ. ಗ್ರಾಹಕರ ಹಣಕ್ಕೆ ಉತ್ತಮ ಮಾಡೆಲ್‌ಗಳ ಕಾರುಗಳನ್ನು ಒದಗಿಸುವುದು ನಮ್ಮ ಧ್ಯೇಯವಾಗಿದೆ ಎಂದು ತಿಮೋತಿ ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
