ಜಾಗತಿಕ ಆರ್ಥಿಕ ಬಿಕ್ಕಟ್ಟಿನಿಂದಾಗಿ ಜಗತ್ತಿನ ಶೇ.45 ರಷ್ಟು ಸಂಪತ್ತು ನಾಶವಾಗಿದೆ ಎಂದು ಅಮೆರಿಕದ ಖಾಸಗಿ ಶೇರು ಕಂಪೆನಿಯಾದ ಬ್ಲ್ಯಾಕ್‌ಸ್ಟೋನ್‌ ಗ್ರೂಪ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸ್ಟೆಫನ್ ಶೆವಾರ್ಝ್‌ಮ್ಯಾನ್‌ ಹೇಳಿದ್ದಾರೆ. ಕಳೆದ ಒಂದುವರೆ ವರ್ಷಕ್ಕಿಂತ ಕಡಿಮೆ ಅವಧಿಯಲ್ಲಿ ಜಗತ್ತಿನ 40 ರಿಂದ 45 ರಷ್ಟು ಸಂಪತ್ತು ನಾಶವಾಗಿದೆ. ಆರ್ಥಿಕ ಕುಸಿತ ನಮ್ಮ ಜೀವನದ ಅವಧಿಯಲ್ಲಿ ನಡೆದ ದೊಡ್ಡ ದುರಂತ ಎಂದು ಸ್ಟೆಫನ್ ಜಪಾನ್ ಸೂಸೈಟಿ ಆಯೋಜಿಸಿದ ಸಭೆಯಲ್ಲಿ ತಿಳಿಸಿದ್ದಾರೆ. ಆದರೆ ಅಮೆರಿಕ ಸರಕಾರ ಆರ್ಥಿಕ ಕುಸಿತವನ್ನು ತಡೆಯಲು ಹಣಕಾಸು ಸಂಸ್ಥೆಗಳನ್ನು ರಕ್ಷಿಸಲು ಬದ್ಧವಾಗಿದೆ ಎಂದು ನುಡಿದರು.ಅಮೆರಿಕದ ಖಜಾನೆ ಇಲಾಖೆಯ ಕಾರ್ಯದರ್ಶಿ ತಿಮೋತಿ ಗೈಟ್ನರ್‌ ಮಾತನಾಡಿ, ನೂತನ ಯೋಜನೆಯನ್ವಯ ಸಾರ್ವಜನಿಕ ಹಾಗೂ ಖಾಸಗಿ ಸಹಭಾಗಿತ್ವದಲ್ಲಿ ಬಂಡವಾಳ ಹೂಡಿಕೆಯಿಂದಾಗಿ ಬ್ಯಾಂಕ್‌ಗಳಲ್ಲಿ 1 ಟ್ರಿಲಿಯನ್ ಡಾಲರ್ ಸಂಗ್ರಹಿಸುವುದರಿಂದ ಮಾರುಕಟ್ಟೆಯಲ್ಲಿ ಸಾಲ ನೀಡಿಕೆ ಮುಂದುವರಿಯುತ್ತದೆ ಎಂದು ಹೇಳಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
