ಹಣದುಬ್ಬರ ಆಧಾರಿತ ಏರಿಕೆಯಾದ ದರಗಳು ಶೀಘ್ರದಲ್ಲಿ ಇಳಿಕೆಯಾಗಲಿವೆ ಎಂದು ವಿತ್ತ ಸಚಿವಾಲಯದ ಮುಖ್ಯ ಆರ್ಥಿಕ ಸಲಹೆಗಾರರಾದ ಅರವಿಂದ್ ವೀರಮಣಿ ಹೇಳಿದ್ದಾರೆ.
ಗ್ರಾಹಕ ಸೂಚ್ಯಂಕ ದರದಲ್ಲಿ ಇಳಿಕೆಯಾಗಲಿದೆ. ಆದರೆ ಸಗಟು ಸೂಚ್ಯಂಕ ದರ ಇಳಿಕೆಯಾದಷ್ಟು ದರಗಳು ಇಳಿಕೆಯಾಗುತ್ತವೆ ಎಂದು ನಿರೀಕ್ಷಿಸಿಲ್ಲ ಎಂದು ವೀರಮಣಿ ತಿಳಿಸಿದ್ದಾರೆ.
ಕೈಗರಿಕೋದ್ಯಮದ ಅಭಿವೃದ್ದಿ ದುರ್ಬಲಗೊಂಡಿದ್ದು, ಹಣದುಬ್ಬರ ಕುಸಿತದತ್ತ ಸಾಗುತ್ತಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ ಸೂಕ್ತ ಸಮಯದಲ್ಲಿ ನಿರ್ಧಾರ ತೆಗೆದುಕೊಳ್ಳಲಿದೆ ಎಂದು ನುಡಿದರು.
ಮಾರ್ಚ್ 7ಕ್ಕೆ ವಾರಂತ್ಯಗೊಂಡಂತೆ ಮೂರು ದಶಕಗಳಷ್ಟು ಇಳಿಕೆಯಾದ ಹಣದುಬ್ಬರ ಶೇ.0.44ಕ್ಕೆ ತಲುಪಿದ್ದು ಮತ್ತಷ್ಟು ಇಳಿಕೆಯಾಗುವ ಸಾಧ್ಯತೆಗಳಿವೆ ಎಂದು ಹೇಳಿದ್ದಾರೆ.
ಆರ್ಥಿಕ ಅಭಿವೃದ್ಧಿ ದರದ ಕುರಿತಂತೆ ಮಾತನಾಡಿ,ದೇಶದ ಜಿಡಿಪಿ ದರ ಶೇ.7.1 ರ ಗಡಿಯನ್ನು ತಲುಪುವ ಸಾಧ್ಯತೆಗಳಿದ್ದು, ಕೃಷಿಯ ಮೇಲೆ ಅವಲಂಬಿತವಾಗಿದೆ ಎಂದು ವೀರಮಣಿ ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ