ಅಂತರ್ಜಾಲ ಸರ್ಚ್ ಇಂಜಿನ್‌ನ ದೈತ್ಯ ಕಂಪೆನಿ ಗೂಗಲ್ ಇಂಕ್, ಆರ್ಥಿಕತೆಯ ಕುಸಿತದಿಂದಾಗಿ ವಿಶ್ವದಾದ್ಯಂತ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ 200 ಹುದ್ದೆಗಳನ್ನು ಕಡಿತಗೊಳಿಸುವುದಾಗಿ ಹೇಳಿಕೆ ನೀಡಿದೆ.
ಗೂಗಲ್‌ನ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉದ್ಯೋಗಿಗಳಿಗೆ 200 ಹುದ್ದೆಗಳನ್ನು ವಜಾಮಾಡುವ ಯೋಜನೆಯ ಕುರಿತು ಮಾಹಿತಿ ನೀಡಲಾಗಿದೆ ಎಂದು ಗ್ಲೋಬಲ್ ಸೇಲ್ಸ್ ಆಂಡ್ ಬಿಜಿನೆಸ್ ಡೆವಲೆಪ್‌ಮೆಂಟ್ ಉಪಾಧ್ಯಕ್ಷ ಒಮಿಡ್ ಕೊರ್‌ಡೆಸ್ಟನಿ ಹೇಳಿದ್ದಾರೆ.
ವಹಿವಾಟನ್ನು ಪರಿಣಾಮಕಾರಿಯಾಗಿಸಿ ಸಾಮರ್ಥ್ಯವನ್ನು ಹೆಚ್ಚಿಸಲು ಕಾರ್ಯನಿರ್ವಹಣೆಯಲ್ಲಿ ಬದಲಾವಣೆಯನ್ನು ತರಲಾಗುತ್ತದೆ ಎಂದು ಅಂತರ್ಜಾಲ ಸರ್ಚ್ ಇಂಜಿನ್ ದೈತ್ಯ ಸಂಸ್ಥೆ ತಿಳಿಸಿದೆ.
ಜಾಗತಿಕ ಆರ್ಥಿಕ ಕುಸಿತದಿಂದಾಗಿ ಇತ್ತೀಚೆಗೆ 100 ಉದ್ಯೋಗಿಗಳನ್ನು ವಜಾಗೊಳಿಸಿದ್ದಲ್ಲದೇ ಇನ್ನಿತರ ಉದ್ಯೋಗಿಗಳ ಸೌಲಭ್ಯಗಳನ್ನು ರದ್ದುಗೊಳಿಸಿ ವೇತನಕ್ಕೆ ಕತ್ತರಿ ಹಾಕಲಾಗಿತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ