ತನ್ನ ವಂಚನೆಯ ಮೂಲಕ ವಿಶ್ವವ್ಯಾಪಿ ಸಂಚಲನೆ ಮ‌ೂಡಿಸಿದ್ದ ಸತ್ಯಂ ಕಂಪ್ಯೂಟರ್ ಸರ್ವೀಸಸ್‌ನ ಸುಮಾರು 250ರಿಂದ 300 ನೌಕರರು ಬ್ಯಾಂಕ್ ಆಫ್ ಅಮೆರಿಕಕ್ಕೆ ಸೇರ್ಪಡೆಯಾಗುತ್ತಿದ್ದಾರೆ ಎಂದು ಬುಧವಾರ ಪತ್ರಿಕೆಯೊಂದು ವರದಿ ಮಾಡಿದೆ.
ಈ ನೌಕರರು ಸತ್ಯಂ ಸಂಸ್ಥೆಯು ಮೆರಿಲ್ ಲಿಂಚ್ ಸಂಸ್ಥೆಗಾಗಿ ನಿರ್ವಹಿಸುತ್ತಿದ್ದ ಪ್ರಾಜೆಕ್ಟ್‌ನಲ್ಲಿ ತೊಡಗಿಕೊಂಡಿದ್ದರು. ಸಬ್‌ಪ್ರೈಂ ಬಿಕ್ಕಟ್ಟಿಗೀಡಾಗಿದ್ದ ಈ ಬ್ಯಾಂಕನ್ನು ಅಮರಿಕ ಸರ್ಕಾರ ತನ್ನ ಆಧೀನಕ್ಕೆ ತೆಗೆದುಕೊಂಡಿತ್ತು.
ಸತ್ಯಂ ಹಗರಣ ಬಯಲಿಗೆ ಬಂದ ಬಳಿಕ ಮೆರಿಲ್ ಈ ಪ್ರಾಜೆಕ್ಟಿನ ನವೀಕರಣ ಮಾಡಿರಲಿಲ್ಲ. ಇದೀಗ ದತ್ತಾಂಶ ನಿರ್ವಹಣೆ ಮತ್ತು ಮೂಲಸೌಕರ್ಯಗಳ ಬೆಂಬಲವನ್ನು ಬ್ಯಾಂಕು ಆಂತರಿಕವಾಗಿ ಪಡೆಯಲಿದೆ ಎಂದು ಪತ್ರಿಕೆ ಹೇಳಿದೆ.
ಪ್ರಥಮಹಂತದಲ್ಲಿ ನೌಕರರು ಎಪ್ರಿಲ್ 2ರಿಂದ 8ರೊಳಗಾಗಿ ಸೇರ್ಪಡೆಯಾಗಲಿದ್ದಾರೆ. ಇವರಿಗೆ ಶೇ.10ರಷ್ಟು ವೇತನ ಹೆಚ್ಚಳ ಹಾಗೂ ಸೇರ್ಪಡೆಯ ಬೊನಸ್ ನೀಡಲಾಗುವುದು ಎಂದು ವರದಿ ಹೇಳಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ