50 ಸಾವಿರ ರೂ. ಮೇಲ್ಪಟ್ಟು ಬ್ಯಾಂಕುಗಳಿಂದ ಹಣ ತೆಗೆಯಲು ಇದುವರೆಗೆ ಗ್ರಾಹಕರ ಮೇಲೆ ವಿಧಿಸಲಾಗಿದ್ದ ಮೇಲ್ತೆರಿಗೆ ರದ್ದುಗೊಳಿಸಲಾಗಿದೆ.
ದಿನವೊಂದಕ್ಕೆ 50 ಸಾವಿರ ರೂ.ಗೆ ಮೇಲ್ಪಟ್ಟು (ವೈಯಕ್ತಿಕ) ಮತ್ತು ಯಾವುದೇ ಶೆಡ್ಯೂಲ್ಡ್ ಬ್ಯಾಂಕಿನಲ್ಲಿರುವ ಖಾತೆಯಿಂದ ಇತರರು 1 ಲಕ್ಷ ರೂ.ಗಿಂತ ಹೆಚ್ಚು ಹಣ ನಗದೀಕರಿಸಿದರೆ ಶೇ.0.1 ರಷ್ಟು ಮೇಲ್ತೆರಿಗೆ ವಿಧಿಸಿ 2005ರಲ್ಲಿ ಸರಕಾರ ಆದೇಶ ಜಾರಿಗೊಳಿಸಿತ್ತು.
2008-09 ಬಜೆಟ್ ಭಾಷಣದಲ್ಲಿ ಅಂದಿನ ವಿತ್ತ ಮಂತ್ರಿ ಪಿ.ಚಿದಂಬರಂ ಅವರು ಘೋಷಿಸಿದಂತೆ, ಏಪ್ರಿಲ್ 1ರಿಂದ ಈ ಬ್ಯಾಂಕಿಂಗ್ ನಗದು ವಹಿವಾಟು ತೆರಿಗೆ (ಬಿಸಿಸಿಟಿ) ಯನ್ನು ಹಿಂತೆಗೆದುಕೊಳ್ಳಲಾಗಿದೆ.
ದಾಖಲೆಯಿಲ್ಲದ ಹಣವನ್ನು ಹೊರಗೆಳೆಯಲು ಮತ್ತು ಅದು ಎಲ್ಲಿಂದ ಬರುತ್ತದೆ, ಎಲ್ಲಿಗೆ ಹೋಗುತ್ತದೆ ಎಂಬಿತ್ಯಾದಿ ಮಾಹಿತಿ ಪಡೆಯುವ ನಿಟ್ಟಿನಲ್ಲಿ ಈ ಲೆವಿಯನ್ನು 2005ರಲ್ಲಿ ಹೇರಲಾಗಿತ್ತು. ಇದನ್ನು ಆದಾಯದ ಉದ್ದೇಶದಿಂದ ಹೇರಿರಲಿಲ್ಲವಾದರೂ, ಈ ತೆರಿಗೆಯಿಂದಾಗಿ 2008-09ರ ಅವಧಿಯಲ್ಲಿ ಸರಕಾರಕ್ಕೆ 600 ಕೋಟಿ ರೂಪಾಯಿಯಷ್ಟು ಆದಾಯ ದೊರೆತಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ