ಮಾರುತಿ 800ಕಾರುಗಳ ಮಾರಾಟಕ್ಕೆ ಮುಂದಿನ ವರ್ಷದಿಂದ ಮಾರುತಿ ಸುಝಕಿ ಇಂಡಿಯಾ ಇಂಡಿಯಾ (ಎಂಎಸ್‌ಐ) ತೆರೆ ಎಳೆಯಲು ಆರಂಭಿಸಲಿದ್ದು, ಬೆಂಗಳೂರು, ಚೆನ್ನೈ ಸೇರಿದಂತೆ 11ನಗರಗಳಲ್ಲಿ ಇದು ಜಾರಿಗೆ ಬರಲಿದೆ.
ಜನಸಾಮಾನ್ಯರ ನ್ಯಾನೋ ಕಾರು ಶೋರೂಂಗಳಲ್ಲಿ ಕಾಣಿಸಿಕೊಂಡ ನಂತರ ಸಂಸ್ಥೆ ಈ ನಿರ್ಧಾರ ಕೈಗೊಂಡಿದೆ. ಇದರ ಜೊತೆಗೆ ಮಾರುತಿಯ ಮತ್ತೊಂದು ಹಳೆಯ ಮಾದರಿ ಓಮಿನಿ ಮಾರಾಟ ಕೂಡ ಸ್ಥಗಿತಗೊಳ್ಳಲಿದೆ.
ಯುರೋ-4ಮಾಲಿನ್ಯ ಹೊರಸೂಸುವಿಕೆ ನಿಯಂತ್ರಣ ನಿಯಮಾವಳಿಗಳು ರಾಷ್ಟ್ರದಾದ್ಯಂತ 2015-16ರ ವೇಳೆಗೆ ಅಳವಡಿಕೆಯಾಗಲಿದೆ. ಆಗ ಎಂ800 ಹಾಗೂ ಓಮಿನಿ ಮಾರಾಟ ಸಾಧ್ಯತೆ ಕಷ್ಟ. ಹೀಗಾಗಿ ಕ್ರಮೇಣ ಈ ಮಾದರಿಗಳನ್ನು ನಾವು ತೆಗೆದುಹಾಕುತ್ತಾ ಹೋಗಬೇಕಾಗುತ್ತದೆ ಎಂದು ಎಂಎಸ್‌ಐ ಅಧ್ಯಕ್ಷ ಆರ್.ಸಿ.ಭಾರ್ಗವ್ ಪಿಟಿಐಗೆ ತಿಳಿಸಿದ್ದಾರೆ.
ಯುರೋ-4 ನಿಯಮಾವಳಿಗಳಿಗೆ ಸರಿಸಮಾನವಾದ ಭಾರತ್ ಹಂತ-4 ಮಾಲಿನ್ಯ ನಿಯಂತ್ರಣ ನಿಯಮಾವಳಿಗಳು ಜಾರಿಗೆ ಬರಲಿರುವ 11ನಗರಗಳಲ್ಲಿ, ಆರಂಭದಲ್ಲಿ ಈ ಎರಡೂ ಮಾದರಿಗಳ ವಾಹನಗಳ ಮಾರಾಟವನ್ನು ಮುಂದಿನ ವರ್ಷ ನಿಲ್ಲಿಸಲಾಗುವುದು. ಈ ಪೈಕಿ ಬೆಂಗಳೂರು, ದೆಹಲಿ, ಮುಂಬೈ, ಚೆನ್ನೈ ನಗರಗಳೂ ಸೇರಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ