ಜನಸಾಮಾನ್ಯರ ಬಹುನಿರೀಕ್ಷೆಯ ಕನಸಿನ ಕಾರು ಟಾಟಾ ನ್ಯಾನೋದ ಬುಕ್ಕಿಂಗ್ ಕರ್ನಾಟಕ ಸೇರಿದಂತೆ ರಾಷ್ಟ್ರಾದ್ಯಂತ ಗುರುವಾರ ಆರಂಭವಾಗಿದ್ದು, ಇದು ಎಪ್ರಿಲ್ 25ರ ತನಕ ಮುಂದುವರಿಯಲಿದೆ." ಮುಂಜಾನೆಯಿಂದಲೇ ನ್ಯಾನೋ ಕಾರುಗಳ ಬುಕ್ಕಿಂಗ್ ಆರಂಭವಾಗಿದ್ದು, ಜನರ ಪ್ರತಿಕ್ರಿಯೆ ಉತ್ತೇಜನಕಾರಿಯಾಗಿದೆ" ಎಂಬುದಾಗಿ ಟಾಟಾ ಮೋಟಾರ್ಸ್ ವಕ್ತಾರರು ಹೇಳಿದ್ದಾರೆ.ಒಂದು ಲಕ್ಷ ರೂಪಾಯಿ ಕಾರು ಖರೀದಿಯ ಅರ್ಜಿಯ ಮಾರಾಟವು ಎಪ್ರಿಲ್ ಒಂದರಂದು ಆರಂಭವಾಗಿದ್ದು, ಜನತೆಯ ಪ್ರತಿಕ್ರಿಯೆ ಆಶಾದಾಯಕವಾಗಿದೆ ಎಂದು ಕಂಪೆನಿಯ ಹೇಳಿಕೆ ತಿಳಿಸಿದೆ. ಟಾಟಾ ನ್ಯಾನೋ ವೆಬ್ ಸೈಟ್ ಐದು ಕೋಟಿಗೂ ಹೆಚ್ಚು ಹಿಟ್ಗಳನ್ನು ಗಳಿಸಿದೆ. ಮಾರ್ಚ್ 23ರಂದು ನ್ಯಾನೋ ಅನಾವರಣಗೊಂಡ ಬಳಿಕ 15ದಿನದ ಅವಧಿಯಲ್ಲಿ ಸುಮಾರು 2 ಕೋಟಿ ಹಿಟ್ಗಳು ದಾಖಲಾಗಿವೆ.ಮೊದಲ ಹಂತದಲ್ಲಿ ಟಾಟವು ಒಂದು ಲಕ್ಷಕಾರುಗಳ ಪೂರೈಕೆ ಮಾಡಲಿದ್ದು, ಲಾಟರಿ ಎತ್ತುವ ಮೂಲಕ ಅರ್ಜಿಗಳನ್ನು ಆಯ್ಕೆ ಮಾಡಲಾಗುವುದು. ಕಾರು ಖರೀದಿದೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಹಾಗೂ ಟಾಟಾ ಸಂಸ್ಥೆಯು ಸಾಲ ಸೌಲಭ್ಯವನ್ನು ಒದಗಿಸಲಿದೆ. |