ಸರ್ಕಾರಿ ಸ್ವಾಮ್ಯದ ಹಲವು ಕಂಪನಿಗಳ 37 ಉನ್ನತ ಹುದ್ದೆಗಳು ಖಾಲಿಯಾಗಿದ್ದು, ಆ ಹುದ್ದೆಗಳನ್ನು ಭರ್ತಿಮಾಡಲು ಈಗ ಸರ್ಕಾರ ಹೊರಟಿದೆ. ಈ ಹುದ್ದೆಗಳ ಪೈಕಿ ವ್ಯವಸ್ಥಾಪಕ ನಿರ್ದೇಶಕ, ನಿರ್ದೇಶಕ ಹುದ್ದೆಗಳೂ ಸೇರಿವೆ. ಈಗಾಗಲೇ 15 ಹುದ್ದೆಗಳು ಖಾಲಿಯಾಗಿದ್ದು, ಇನ್ನು 22 ಹುದ್ದೆಗಳು ಶೀಘ್ರದಲ್ಲೇ ಖಾಲಿಯಾಗಲಿವೆ. ಈ ಪೈಕಿ ಎಚ್ಎಎಲ್, ರೈಲ್ವೆ ವಿಕಾಸ ನಿಗಮ, ಚೆನ್ನೈ ಪೆಟ್ರೋಲಿಯಂ ಕಾರ್ಪೋರೇಷನ್ ಲಿಮಿಟೆಡ್ ಮತ್ತಿತರ ಸಂಸ್ಥೆಗಳೂ ಸೇರಿವೆ ಎಂದು ಮೂಲಗಳು ತಿಳಿಸಿವೆ. |