ಜಪಾನ್ ಸರಕಾರ ಮುಂಬರುವ ಎರಡು ವರ್ಷದ ಅವಧಿಗೆ ಪಾಕಿಸ್ತಾನಕ್ಕೆ 1 ಬಿಲಿಯನ್ ಡಾಲರ್ ಆರ್ಥಿಕ ಸಹಾಯದ ನೆರವು ನೀಡುವ ಯೋಜನೆ ಅಂತಿಮ ಹಂತದಲ್ಲಿದೆ ಎಂದು ನಿಕೈ ಬಿಜಿನೆಸ್ ಡೈಲಿ ವರದಿ ಮಾಡಿದೆ.
ಪ್ರತ್ಯೇಕತಾವಾದಿಗಳಿಂದ ತೊಂದರೆಗೊಳಗಾದ ಪ್ರದೇಶಗಳಿಗೆ ಆರ್ಥಿಕ ಪುನಶ್ಚೇತನಕ್ಕಾಗಿ ಆರ್ಥಿಕ ಮೂಲಸೌಕರ್ಯ, ಶಿಕ್ಷಣ ಮತ್ತು ಉದ್ಯೋಗ ತರಬೇತಿಗಳಿಗಾಗಿ ನೆರವು ಒದಗಿಸಲಾಗಿದೆ ಎಂದು ನಿಕೈ ಪ್ರಕಟಿಸಿದೆ.
ಏಪ್ರಿಲ್ 17 ರಂದು ವಿಶ್ವಬ್ಯಾಂಕ್ ಸಹಭಾಗಿತ್ವದಲ್ಲಿ ನಡೆಯುವ ಪಾಕಿಸ್ತಾನ ದಾನಿಗಳ ಶೃಂಗಸಭೆಯಲ್ಲಿ ನೆರವಿನ ವಿವರಣೆಗಳನ್ನು ಜಪಾನ್ ಘೋಷಿಸಲಿದೆ ಎಂದು ಮೂಲಗಳು ತಿಳಿಸಿವೆ.
ಮುಂಬರುವ ಎರಡು ವರ್ಷಗಳ ಅವಧಿಗೆ ಆರ್ಥಿಕತೆಯನ್ನು ಹೊಂದಿಸಲು ಸುಮಾರು 4 ಬಿಲಿಯನ್‌ಗಳಿಂದ 6 ಬಿಲಿಯನ್‌ಗಳ ಅಗತ್ಯವಿದ್ದು ದಾನಿಗಳ ಸಭೆಯಲ್ಲಿ ಬೇಡಿಕೆ ಮಂಡಿಸಲಾಗುವುದು ಎಂದು ಪಾಕ್ ಮೂಲಗಳು ತಿಳಿಸಿವೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ