ಕಾನೂನಿನ ಲೋಪ: ಕಳಪೆ ವಸ್ತುಗಳು ಭಾರತಕ್ಕೆ

ಕೋಲ್ಕತಾ : ದೇಶದಲ್ಲಿನ ಕಾನೂನಿನ ಕೊರತೆಯಿಂದಾಗಿ ಕಡಿಮೆ ಗುಣಮಟ್ಟದ ವಸ್ತುಗಳು ಭಾರತದ ಮಾರುಕಟ್ಟೆಯನ್ನು ಪ್ರವೇಶಿಸುತ್ತಿವೆ ಎಂದು ಚೀನಾ ಸರಕಾರ ಹೇಳಿಕೆ ನೀಡಿದೆ.

ಭಾರತದ ಸಣ್ಣ ಉದ್ಯಮಿಗಳು ನಿರಂತರ ಚೀನಾ ದೇಶಕ್ಕೆ ವಹಿವಾಟಿಗಾಗಿ ಆಗಮಿಸುತ್ತಿದ್ದು , ಗ್ರಾಮೀಣ ಭಾಗದಲ್ಲಿರುವ ಉತ್ಪಾದಕರಿಂದ ವಸ್ತುಗಳನ್ನು ಖರೀದಿಸಿ ಭಾರತಕ್ಕೆ ಸಾಗಿಸುತ್ತಾರೆ. ಇದನ್ನು ತಡೆಯಲು ದೇಶದಲ್ಲಿ ಯಾವುದೇ ಕಾನೂನಿಲ್ಲ ಎಂದು ಚೀನಾದ ರಾಯಭಾರಿ ಮಾವೊ ಸೆವೈ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಚೀನಾದಿಂದ ಭಾರತಕ್ಕೆ ಅಮುದು ಮಾಡಲಾದ ವಸ್ತುಗಳು ತೀರಾ ಕಳಪೆಯಾಗಿರುವುದನ್ನು ಒಪ್ಪಿಕೊಂಡ ಅವರು, ಚೀನಾ ದೇಶದಲ್ಲಿಯೇ ಇಂತಹ ಕಳಪೆ ವಸ್ತುಗಳನ್ನು ಯಾರು ಬಳಸುವುದಿಲ್ಲ. ಚೀನಾದ ವಸ್ತುಗಳಿಗೆ ಜಾಗತಿಕ ಮಾರುಕಟ್ಟೆಯಿದೆ ಎಂದು ಹೇಳಿದ್ದಾರೆ.

ಚೀನಾದ ರಫ್ತು ವಹಿವಾಟು ದೇಶದ ಆರ್ಥಿಕತೆಯಲ್ಲಿ ಶೇ.40 ರಷ್ಟು ಪಾಲಿದ್ದು, ಕಳೆದ ಅಕ್ಟೋಬರ್ ತಿಂಗಳಿನಿಂದ ರಫ್ತು ವಹಿವಾಟಿನಲ್ಲಿ ಕುಸಿತವಾಗಿ ಶೇ.6.8 ರಷ್ಟು ಕುಸಿತವಾಗಿದೆ ಎಂದು ನುಡಿದರು.