ನವದೆಹಲಿ : ಆರ್ಥಿಕ ಕುಸಿತ ಮದ್ಯೆಯು ಭಾರತದಲ್ಲಿ ಹೂಡಿಕೆ ಮಾಡಲು ಬಯಸುವುದಾಗಿ ವಿದೇಶಿ ಮೂಲದ ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಿದೆ.
ಭಾರತದ ಆರ್ಥಿಕತೆ ಸುಭದ್ರವಾಗಿದೆ. ಪ್ರತಿ ವರ್ಷ ಕೂಡಾ ಹೂಡಿಕೆ ಮಾಡಲಾಗುತ್ತಿದೆ. ನೂತನ ಶಾಖೆಗಳು ವ್ಯವಸ್ಥೆ ಸುಧಾರಣೆ, ಉತ್ಪನ್ನಗಳ ಬಿಡುಗಡೆ,ಉದ್ಯೋಗವಕಾಶಗಳನ್ನು ಹೆಚ್ಚಿಸಲಾಗಿದೆ. ಹೂಡಿಕೆಯನ್ನು ಮುಂದುವರಿಸಲಾಗುತ್ತದೆ ಎಂದು ಬ್ಯಾಂಕ್ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಸ್ಪಾಲ್ ಬಿಂದ್ರಾ ಹೇಳಿದ್ದಾರೆ.
ಮಾರುಕಟ್ಟೆಗಳಲ್ಲಿ ನಮ್ಮ ಪಾಲನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಹೂಡಿಕೆಯಲ್ಲಿ ಹೆಚ್ಚಳ ಮಾಡಲಾಗುತ್ತಿದ್ದು, ಕಳೆದ ಎರಡು ವರ್ಷಗಳಲ್ಲಿ ಸಾಧಿಸಿದ ಗುರಿಯನ್ನು ಮುಂದುವರಿಸಲು ನಿರ್ಧರಿಸಿದ್ದೇವೆ ಎಂದು ಹೇಳಿದ್ದಾರೆ.
ರಾಯಲ್ ಬ್ಯಾಂಕ್ ಆಫ್ ಸ್ಕಾಟಲೆಂಡ್ನ ಏಷ್ಯಾ ವಹಿವಾಟನ್ನು ಖರೀದಿಸುವ ಆಸಕ್ತಿಯಿದ್ದು, ಮುಂಬರುವ ದಿನಗಳಲ್ಲಿ ಸಂಪೂರ್ಣ ವಿವರಗಳು ಲಭ್ಯವಾಗಲಿವೆ. ಎಂದು ಭಿಂದ್ರಾ ತಿಳಿಸಿದ್ದಾರೆ. |