ಕಳೆದ ಮಾರ್ಚ್ನಲ್ಲಿ ಭಾರತದ ರಫ್ತು ಬೇಡಿಕೆಯು 12 ಶತಕೋಟಿ ಅಮೆರಿಕನ್ ಡಾಲರ್ಗಿಂತ ಕೆಳಕ್ಕೆ ಕುಸಿದಿದ್ದು, ಸತತವಾಗಿ 6ನೇ ತಿಂಗಳು ನಕಾರಾತ್ಮಕ ಬೆಳವಣಿಗೆಯನ್ನು ತೋರಿಸಿದೆ.
ವಿಶ್ವದ ಪ್ರಮುಖ ಅರ್ಥಿಕ ರಾಷ್ಟ್ರಗಳು ಹಿಂಜರಿತದಿಂದ ತತ್ತರಿಸಿದ್ದು, ವಸ್ತುಗಳಿಗೆ ಬೇಡಿಕೆ ಕುಸಿದಿದ್ದೇ ರಫ್ತು ಬೇಡಿಕೆ ಕುಸಿತಕ್ಕೆ ಕಾರಣವೆಂದು ಹೇಳಲಾಗಿದೆ. ರಾಷ್ಟ್ರದ ಆಮದಿನ ಬೇಡಿಕೆ ಕೂಡ ಕಳೆದ ತಿಂಗಳು ಶೇ.37 ಕುಸಿತ ಅನುಭವಿಸಿದೆ.
ವಾಣಿಜ್ಯ ಕಾರ್ಯದರ್ಶಿ ಜಿ.ಕೆ. ಪಿಳ್ಳೈ ಸೋಮವಾರ ಈ ವಿಷಯ ತಿಳಿಸಿದ್ದು, ಕುಸಿತದ ಪ್ರವೃತ್ತಿ ಮುಂದುವರಿದಿದೆಯೆಂದು ಹೇಳಿದರು.
ಮಾರ್ಚ್ 2008ರಲ್ಲಿ ರಫ್ತು 16.28 ಬಿಲಿಯ ಡಾಲರ್ ಮೌಲ್ಯವುಳ್ಳದ್ದಾಗಿತ್ತು. 2008-09ರ ಪ್ರಥಮಾರ್ಧದಲ್ಲಿ ಶೇ.35ರ ರಫ್ತು ಬೆಳವಣಿಗೆ ದರವನ್ನು 2009-10ರ ಸಾಲಿನಲ್ಲಿ ಕಾಯ್ದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂದು ಅವರು ಐಐಎಫ್ಟಿ ಸಭೆಯ ನೇಪಥ್ಯದಲ್ಲಿ ತಿಳಿಸಿದರು.
|