ನವದೆಹಲಿ: ಕಳಂಕಿತ ಸತ್ಯಂ ಕಂಪ್ಯೂಟರ್ ಸರ್ವೀಸಸ್ ಸಂಸ್ಥೆಯನ್ನು ಟೆಕ್ ಮಹೀಂದ್ರ ಖರೀದಿಸಿರುವುದಕ್ಕೆ ನಿರೀಕ್ಷೆಯಂತೆ ಭಾರತದ ಕಂಪನಿ ಲಾ ಬೋರ್ಡ್ (ಸಿಎಲ್ಬಿ) ಗುರುವಾರ ಅನುಮೋದನೆ ನೀಡಿದೆ.
ಸಿಎಲ್ಬಿಯ ಅಧ್ಯಕ್ಷ ಬಾಲಸುಬ್ರಹ್ಮಣ್ಯನ್ ಈ ಖರೀದಿಯನ್ನು ಸಿಎಲ್ಬಿ ಊರ್ಜಿತಗೊಳಿಸಿದ್ದು, ಸತ್ಯಂಗೆ ನೇಮಿಸಿದ್ದ ತಾಂತ್ರಿಕ ಹಾಗೂ ಆರ್ಥಿಕ ಸಲಹಾ ಮಂಡಳಿಯ ಕಾರ್ಯ ವೈಖರಿಯಿಂದ ತೃಪ್ತನಾಗಿದ್ದೇನೆ ಎಂದು ತಿಳಿಸಿದ್ದಾರೆ.
ಸೋಮವಾರ ಸತ್ಯಂ ಬಿಡ್ ಸಂದರ್ಭ ಟೆಕ್ ಮಹೀಂದ್ರಾ ಅಧಿಕ ಮೊತ್ತವನ್ನು ಬಿಡ್ ಮಾಡುವ ಮೂಲಕ ಸತ್ಯಂನ್ನು ಖರೀದಿಸಿತ್ತು. ಬಿಡ್ನ್ನು ಸರ್ಕಾರವೇ ನೇಮಿಸಿದ್ದ ಸತ್ಯಂ ಮಂಡಳಿ ನಡೆಸಿದ್ದು, ನಂತರ ಅದು ಕಂಪನಿ ಲಾ ಬೋರ್ಡ್ನಿಂದ ಅನುಮತಿ ಪಡೆಯಬೇಕು. ಈಗ ಆ ಪ್ರಕ್ರಿಯೆಯೂ ಪೂರ್ಣಗೊಂಡಂತಾಗಿದ್ದು ಸತ್ಯಂ ಮೇಲೆ ಟೆಕ್ ಮಹೀಂದ್ರಾ ಒಡೆತನಕ್ಕೆ ಅಂತಿಮ ಸಹಿ ಬಿದ್ದಂತಾಗಿದೆ. |