ನವದೆಹಲಿ: ಹಣದುಬ್ಬರ ಮತ್ತಷ್ಟು ಕುಸಿತ ಕಂಡಿದ್ದು, ಶೇ.0.18ರಷ್ಟು ಕುಸಿತ ದಾಖಲಾಗಿದೆ. ಇದು ಕಳೆದ ಮೂರು ದಶಕಗಳಲ್ಲಿ ಕಂಡ ಅತೀ ಕಡಿಮೆ ಹಣದುಬ್ಬರವಾಗಿದೆ. ಆಹಾರವಸ್ತುಗಳು, ತರಕಾರಿಗಳ ಬೆಲೆ ಕಳೆದ ವಾರಾಂತ್ಯದಲ್ಲಿ ಅತ್ಯಂತ ಕಠಿಣ ಪರಿಸ್ಥಿತಿ ತಲುಪಿತ್ತು. ಸಗಟು ದರ ಆಧಾರಿತ ಸೂಚ್ಯಂಕ 0.08ರಷ್ಟು ಕುಸಿದಿದ್ದು, ಕಳೆದ ವಾರ ಇದು 0.26 ಆಗಿತ್ತು. ಕೆಲವು ಉತ್ಪನ್ನಗಳ ದರದಲ್ಲಿ ಇಳಿಕೆಯಾಗಿದ್ದೇ ಈ ಕುಸಿತಕ್ಕೆ ಕಾರಣ.
ಹಣದುಬ್ಬರ ಕಳೆದ ವರ್ಷ ಇದೇ ಸಮಯದಲ್ಲಿ ಶೇ.7.71ರಷ್ಟಿತ್ತು. ಹಣದುಬ್ಬರದ ಸಮಂಜಸ ಇಳಿಕೆಯಾಗಿದ್ದರೂ, ಏರುತ್ತಿರುವ ಆಹಾರ ಉತ್ಪನ್ನಗಳ ಬೆಲೆಯೀಗ ಆರ್ಬಿಐಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಯೋಜನಾ ದರ ಕಡಿತ ಹಾಗೂ ಬಡ್ಡಿದರ ಕಡಿಮೆ ಮಾಡುವುದು ಆರ್ಬಿಐಗೆ ದುಸ್ತರವೆನಿಸಿದೆ. ಈ ವಾರದಲ್ಲಿ ಆಹಾರ ವಸ್ತುಗಳಾದ ತರಕಾರಿಗಳು, ದ್ವಿದಳ ಧಾನ್ಯಗಳು, ಅಡುಗೆ ಎಣ್ಣೆಗಳ ಬೆಲೆ ಏರುತ್ತಲೇ ಇದೆ. |