ಬೆಂಗಳೂರು: 'ಯಾಹೂ!ಇಂಡಿಯಾ' ಕೊನೆಗೂ 20 ತಿಂಗಳ ನಂತರ ತನ್ನ ವ್ಯವಸ್ಥಾಪಕ ನಿರ್ದೇಶಕ ಸ್ಥಾನಕ್ಕೆ ಸೂಕ್ತ ವ್ಯಕ್ತಿಯನ್ನು ಹುಡುಕಿದೆ. ಮೇ ತಿಂಗಳಲ್ಲಿ ಮಾನ್ಸ್ಟರ್ ಡಾಟ್ ಕಾಂನ ಏಷ್ಯಾ ಫೆಸಿಫಿಕ್ ಅಧ್ಯಕ್ಷರಾಗಿರುವ ಯುವ ಪ್ರತಿಭೆ ಅರುಣ್ ತಡಂಕಿ ಅವರು ಯಾಹೂ! ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕರಾಗಿ ಸ್ಥಾನ ಅಲಂಕರಿಸಲಿದ್ದಾರೆ.
ಜಾರ್ಜ್ ಝಚೇರಿಯಾಸ್ ಅವರು ಯಾಹೂ! ಇಂಡಿಯಾಕ್ಕೆ ರಾಜೀನಾಮೆ ಕೊಟ್ಟು 20 ತಿಂಗಳಾಗಿದ್ದರೂ ಯಾಹೂಗೆ ಈ ಸ್ಥಾನಕ್ಕೆ ಸೂಕ್ತ ವ್ಯಕ್ತಿ ಸಿಕ್ಕಿರಲಿಲ್ಲ. ಹೀಗಾಗಿ ಉಪಾಧ್ಯಕ್ಷರಾಗಿದ್ದ ಕೈತ್ ನೀಲ್ಸನ್ ಅವರೇ ಸಿಂಗಾಪುರದಿಂದಲೇ ಯಾಹೂ! ಇಂಡಿಯಾದ ಉಸ್ತುವಾರಿ ವಹಿಸಿದ್ದರು. ಜತೆಗೆ ಮಾರುಕಟ್ಟೆ ವಿಭಾಗದ ಮುಖ್ಯಸ್ಥರಾಗಿದ್ದ ಗೋಪಾಲಕೃಷ್ಣ ಅವರೂ ಸಂಸ್ಥೆಯ ಮಧ್ಯಂತರ ಅವಧಿಗೆ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯೂಗಿಯೂ ಕಾರ್ಯ ನಿರ್ವಹಿಸಿದ್ದರು. ಕೊನೆಗೂ ಹೊಸ ವ್ಯವಸ್ಥಾಪಕ ನಿರ್ದೇಶಕರು ಸ್ಥಾನ ಅಲಂಕರಿಸಲಿರುವುದರಿಂದ ಗೋಪಾಲಕೃಷ್ಣ ಅವರು ತಮ್ಮ ಮೊದಲಿನ ಕಾರ್ಯಕ್ಕೇ ಮರಳಲಿದ್ದಾರೆ ಎಂದು ಸಂಸ್ಥೆ ತಿಳಿಸಿದೆ. |