ಮುಂಬೈ: ದೇಶದ ಖಾಸಗೀಕೃತ ಅತಿ ದೊಡ್ಡ ಬ್ಯಾಂಕ್ ಎಂಬ ಹೆಗ್ಗಳಿಕೆಯ ಐಸಿಐಸಿಐ ಬ್ಯಾಂಕ್‌ನ ಮುಖ್ಯ ಎರಡು ಹುದ್ದೆಗಳಲ್ಲಿರುವ ಶಿಕಾ ಶರ್ಮಾ ಹಾಗೂ ರೇಣುಕಾ ರಾಮನಾಥ್ ತಮ್ಮ ಹುದ್ದೆಗಳಿಗೆ ರಾಜೀನಾಮೆ ನೀಡಲಿದ್ದಾರೆ. ರೇಣುಕಾ ರಾಮನಾಥ್ ಅವರು ಐಸಿಐಸಿಐನ ಈಕ್ವಿಟಿ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದರೆ, ಜೀವ ವಿಮಾ ವಿಭಾಗದಲ್ಲಿ ಶಿಖ ಶರ್ಮಾ ಉನ್ನತ ಹುದ್ದೆಯಲ್ಲಿದ್ದಾರೆ.ಈ ಇಬ್ಬರೂ ಬೇರೆ ಬೇರೆ ಕಾರಣಗಳಗಾಗಿ ತಮ್ಮ ಉದ್ಯೋಗ ತ್ಯಜಿಸಲಿದ್ದಾರೆ ಎಂಬ ನಿರೀಕ್ಷೆಯಿದೆ. ಶಿಖಾ ಶರ್ಮಾ ಆಕ್ಸಿಸ್ ಬ್ಯಾಂಕ್‌ಗೆ ಸೇರಲಿದ್ದರೆ, ರೇಣುಕಾ ರಾಮನಾಥನ್ ತಮ್ಮದೇ ಆದ ಖಾಸಗಿ ಈಕ್ವಿಟಿ ಉದ್ಯಮ ಆರಂಭಿಸಲಿದ್ದಾರೆ ಎಂದು ವರದಿಯಾಗಿದೆ. ಈ ಇಬ್ಬರು ಉನ್ನತ ಅಧಿಕಾರಿಗಳೂ ಏ.20ರಂದು ರಾಜೀನಾಮೆ ನೀಡುವ ಸಂಭವವಿದೆ. ಶಿಖಾ ಅವರು 1980ರಿಂದಲೇ ಐಸಿಐಸಿಐ ಜತೆಗಿದ್ದರೆ, ರೇಣುಕಾ ಕಳೆದ 20 ವರ್ಷಗಳಿಂದ ಐಸಿಐಸಿಐನಲ್ಲಿ ಕಾರ್ಯ ನಿರ್ವಹಿಸಿದ್ದರು. ಈ ಎರಡು ಉನ್ನತ ಹುದ್ದೆಗಳನ್ನು ಭರ್ತಿ ಮಾಡುವತ್ತ ಐಸಿಐಸಿಐ ಸಭೆ ಕರೆದಿದ್ದು, ಚರ್ಚೆ ನಡೆಸುತ್ತಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
