ಪ್ರಸಕ್ತ ಆರ್ಥಿಕ ಬಿಕ್ಕಟ್ಟಿನಲ್ಲಿ ಇತರ ಕ್ಷೇತ್ರಗಳಲ್ಲಿ ಹೂಡಿಕೆ ಮಾಡಿದ ಹಣ ಸುರಕ್ಷಿತವಾಗಿ ಮರಳಿ ಸೇರುತ್ತದೆ ಎನ್ನುವ ಬಗ್ಗೆ ವಿಶ್ವಾಸವಿಲ್ಲ. ಆದರೆ ಚಿನ್ನ ಪ್ರಿಯರಾದ ಭಾರತೀಯ ಮಹಿಳೆಯರು ಖರೀದಿಸಿದ ಚಿನ್ನದಿಂದಾಗಿ ಶೇ.26 ರಷ್ಟು ಲಾಭವನ್ನು ಪಡೆದಿದ್ದಾರೆ ಎಂದು ವರ್ಲ್ಡ್ ಗೋಲ್ಡ್ ಕೌನ್ಸಿಲ್ ಹೇಳಿಕೆ ನೀಡಿದೆ. ವರ್ಲ್ಡ್ ಗೋಲ್ಡ್ ಕೌನ್ಸಿಲ್ ಇತ್ತೀಚೆಗೆ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, ವರ್ಷಗಳುರುಳಿದಂತೆ ಚಿನ್ನದ ದರದಲ್ಲಿ ಏರಿಕೆಯಾಗುತ್ತಿದೆ.2009ರ ಮೊದಲ ತ್ರೈಮಾಸಿಕದಲ್ಲಿ ಚಿನ್ನ ಪ್ರತಿ 10 ಗ್ರಾಂಗೆ ಗರಿಷ್ಠ 15,780 ದಾಖಲೆಯನ್ನು ಸ್ಥಾಪಿಸಿತ್ತು. ಹಿಂದಿನ ವರ್ಷದ ಸರಾಸರಿ ಚಿನ್ನದ ದರವಾದ 12,147ರೂಪಾಯಿಗಳಿಗೆ ಹೋಲಿಸಿದಲ್ಲಿ ಶೇ.17 ರಷ್ಟು ಲಾಭವನ್ನು ಮರಳಿ ಪಡೆದಂತಾಗಿದೆ. 1999 ರಲ್ಲಿ ಚಿನ್ನದ ದರ ಪ್ರತಿ 10 ಗ್ರಾಂಗೆ 3,850 ರೂಪಾಯಿಗಳಾಗಿತ್ತು. 2008ರ ವರ್ಷಕ್ಕೆ ಹೋಲಿಸಿದಲ್ಲಿ ಶೇ.216 ರಷ್ಟು ಲಾಭ ಪಡೆದಂತಾಗಿದೆ. ಅದರಿಂದ ವಾರ್ಷಿಕ ಲಾಭಾಂಶದಲ್ಲಿ ಶೇ.24 ರಷ್ಟಾಗಿದೆ. ಕಳೆದ 2001ರಲ್ಲಿ ಪ್ರತಿ 10 ಗ್ರಾಂ ಚಿನ್ನದ ದರ 4,106 ರೂಪಾಯಿಗಳಾಗಿತ್ತು. 2008ರ ವರ್ಷದ ದರಗಳಿಗೆ ಹೋಲಿಸಿದಲ್ಲಿ ವಾರ್ಷಿಕವಾಗಿ ಶೇ. 28 ರಷ್ಟು ವಾರ್ಷಿಕ ಲಾಭಾಂಶ ದೊರೆತಂತಾಗಿದೆ ಎಂದು ಬಿಡುಗಡೆ ಮಾಡಿದ ವರದಿಯಲ್ಲಿ ತಿಳಿಸಿದೆ. 2006 ರ ಆರ್ಥಿಕ ಸಾಲಿನಲ್ಲಿ ಪ್ರತಿ 10 ಗ್ರಾಂ ಚಿನ್ನದ ದರ 8,791 ರೂಪಾಯಿಗಳಾಗಿತ್ತು. 2008ನೇ ಆರ್ಥಿಕ ವರ್ಷದಲ್ಲಿ ದರ 12,147 ರೂಪಾಯಿಗಳಿಗೆ ಹೋಲಿಸಿದಲ್ಲಿ ಶೇ.38 ರಷ್ಟು ಲಾಭ ಮರಳಿ ಪಡೆದಂತಾಗುತ್ತದೆ ಎಂದು ವರ್ಲ್ಡ್ ಗೋಲ್ಡ್ ಕೌನ್ಸಿಲ್ ಹೊರಡಿಸಿದ ಅಧ್ಯಯನ ವರದಿಯಲ್ಲಿ ಪ್ರಕಟಿಸಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
