ಭಾರತೀಯ ಶೇರುಪೇಟೆ ಮುಂಬರುವ ವರ್ಷಗಳಲ್ಲಿ ಆಕರ್ಷಕ ಹೂಡಿಕೆಯ ತಾಣವಾಗಲಿದೆ ಎಂದು ಅಧ್ಯಯನ ಸಂಸ್ಥೆಯೊಂದು ವರದಿ ಮಾಡಿದೆ. ಮುಂಬರುವ 15 ವರ್ಷಗಳ ಅವಧಿಯಲ್ಲಿ ಅಂದರೆ 2025ರ ವೇಳೆಗೆ ಮುಂಬೈ ಶೇರುಪೇಟೆ ಸಂವೇದಿ ಸೂಚ್ಯಂಕ 1,00,000 ಅಂಕಗಳಿಗೆ ತಲುಪಲಿದೆ ಎಂದು ಅಮೆರಿಕದ ಎಲಿಯಟ್ ವೇವ್ ಇಂಟರ್ನ್ಯಾಷನಲ್ ಎಂದು ಹಣಕಾಸು ಸರ್ವೇಕ್ಷಣಾ ಸಂಸ್ಥೆ ಅಧ್ಯಯನ ವರದಿಯಲ್ಲಿ ಬಹಿರಂಗಪಡಿಸಿದೆ. ಕಳೆದ 2003ರಿಂದ 2008ರವರೆಗಿನ ಮುಂಬೈ ಸಂವೇದಿ ಸೂಚ್ಯಂಕ ಏರಿಕೆಯನ್ನು ಗಮನಿಸಿದರೆ 2025ರ ವೇಳೆಗೆ ಅದು 1,00,000 ಅಂಕಗಳನ್ನು ತಲುಪುವುದರಲ್ಲಿ ಯಾವುದೇ ಸಂಶಯವಿಲ್ಲ ಎಂದು ಅಮೆರಿಕದ ಎಲಿಯಟ್ ವೇವ್ ಇಂಟರ್ನ್ಯಾಷನಲ್ ಸಂಸ್ಥೆ ವರದಿಯಲ್ಲಿ ಪ್ರಕಟಿಸಿದೆ. ಸಂಸ್ಥೆ ಏಪ್ರಿಲ್ ತಿಂಗಳ ಅವಧಿಯಲ್ಲಿ ವರದಿಯನ್ನು ಬಿಡುಗಡೆಗೊಳಿಸಿದೆ. ದರ ಏರಿಳಿಕೆ ಹಾಗೂ ಸಮಯದ ಅನುಪಾತ 2003ರಿಂದ 2008ರಂತೆ ಮುಂದುವರಿದಲ್ಲಿ ಸೂಚ್ಯಂಕ ಮುಂದಿನ 15 ವರ್ಷಗಳ ಅವಧಿಯಲ್ಲಿ 1,00,000 ಅಂಕಗಳಿಗೆ ತಲುಪಲಿದೆ ಎಂದು ಏಷ್ಯಾ -ಫೆಸಿಫಿಕ್ ಫೈನಾನ್ಶಿಯಲ್ ಫೋರ್ಕಾಸ್ಟ್ ಸಂಪಾದಕ ಮಾರ್ಕ್ ಗಲಾಸಿವೆಸ್ಕಿ ಹೇಳಿದ್ದಾರೆ. |