ಕೇಂದ್ರ ರಿಸರ್ವ್ ಬ್ಯಾಂಕ್ ರೆಪೊ ಮತ್ತು ರಿವರ್ಸ್ ರೆಪೊದ 25 ಬೇಸಿಸ್ ಪಾಯಿಂಟ್‌ಗಳನ್ನು ಕಡಿತಗೊಳಿಸಿ ಆದೇಶ ಹೊರಡಿಸಿದ್ದರಿಂದ ಗೃಹ, ವಾಹನೋದ್ಯಮ ಮತ್ತು ಕಾರ್ಪೋರೇಟ್ ಸಾಲ ಪಡೆಯುವ ಗ್ರಾಹಕರಿಗೆ ಮತ್ತಷ್ಟು ನೆಮ್ಮದಿಯಿಂದ ಉಸಿರಾಡಲು ಅಕಾಶ ದೊರೆತಂತಾಗಿದೆ. 2009-10 ರ ಆರ್ಥಿಕ ಸಾಲಿನ ಅವಧಿಯಲ್ಲಿ ರಿಸರ್ವ್ ಬ್ಯಾಂಕ್ ವಾರ್ಷಿಕ ಹಣಕಾಸು ನೀತಿಯಲ್ಲಿ ಪ್ರಸ್ತುತವಿದ್ದ ಶೇ.4.75 ರಷ್ಟಿದ್ದ ರೆಪೊ ದರವನ್ನು ಶೇ.3.25ರವರೆಗೆ ಕೂಡಲೇ ಜಾರಿಗೆ ಬರುವಂತೆ ಆದೇಶಿಸಿದ್ದು, ಕ್ಯಾಶ್ ರಿಸರ್ವ್ ರೇಶಿಯೋದಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲಎಂದು ರಿಸರ್ವ್ ಬ್ಯಾಂಕ್ ಮೂಲಗಳು ತಿಳಿಸಿವೆ. ಜಾಗತಿಕ ಆರ್ಥಿಕ ಕುಸಿತವನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ರಿಸರ್ವ್ ಬ್ಯಾಂಕ್, ಕಳೆದ 2008-09ರ ಸಾಲಿನಲ್ಲಿದ್ದ ಶೇ.6.5-6.7 ರಷ್ಟಿದ್ದ ಜಿಡಿಪಿ ದರ ಪ್ರಸಕ್ತ ವರ್ಷದ ಆರ್ಥಿಕ ಸಾಲಿನಲ್ಲಿ ಶೇ.6ಕ್ಕೆ ತಲುಪುವ ಸಾಧ್ಯತೆಗಳಿವೆ ಎಂದು ತಿಳಿಸಿದೆ.ಕೇಂದ್ರ ರಿಸರ್ವ್ ಬ್ಯಾಂಕ್ ಮುಂಬರುವ ದಿನಗಳಲ್ಲಿ ಮತ್ತಷ್ಟು ಬಡ್ಡಿ ದರಗಳನ್ನು ಕಡಿತಗೊಳಿಸುವ ಸೂಚನೆಯನ್ನು ನೀಡಿದೆ ಎಂದು ಒರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ಕಾರ್ಯಕಾರಿ ನಿರ್ದೇಶಕ ಎಸ್‌.ಸಿ.ಸಿನ್ಹಾ ಹೇಳಿದ್ದಾರೆ. ಹಣದುಬ್ಬರ ವರ್ಷದ ಮಧ್ಯಂತರದ ಅವಧಿಯಲ್ಲಿ ಶೇ.3ಕ್ಕೆ ತಲುಪಲಿದ್ದು, ಮಾರ್ಚ್2010ಕ್ಕೆ ಶೇ.4ಕ್ಕೆ ತಲುಪುವ ಸಾಧ್ಯತೆಗಳಿರುವುದರಿಂದ ಮತ್ತಷ್ಟು ಬಡ್ಡಿದರವನ್ನು ಕಡಿತಗೊಳಿಸುವ ಅವಕಾಶಗಳಿವೆ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
