ಆರ್ಥಿಕ ಕುಸಿತದ ಪರಿಣಾಮದಿಂದ ಮೊಬೈಲ್/ಟೆಲಿಫೋನ್ ಬಳಕೆದಾರರ ಸಂಖ್ಯೆಯಲ್ಲೇನೂ ಕಡಿಮೆಯಾಗುತ್ತಿಲ್ಲ. ದಿನೇ ದಿನೇ ಹೊಸ ಟೆಲಿಫೋನ್ ಬಳಕೆದಾರರ ಸಂಖ್ಯೆ ಮಾತ್ರ ಹೆಚ್ಚಾಗುತ್ತಲೇ ಇದೆ.ಟೆಲಿಕಾಂ ರೆಗ್ಯುಲೇಟರ್ ಟ್ರಾಯ್ ದಾಖಲೆಗಳ ಪ್ರಕಾರ, 15.87 ಮಿಲಿಯನ್ ಹೊಸ ಟೆಲಿಫೋನ್ (ವೈರ್‌ಲೆಸ್ ಹಾಗೂ ವೈರ್‌ಲೈನ್) ಸಂಪರ್ಕಗಳು ಕೇವಲ ಮಾರ್ಚ್ ತಿಂಗಳೊಂದರಲ್ಲೇ ನಡೆದಿವೆ. ಫೆಬ್ರವರಿಯಲ್ಲಿ ಈ ಸಂಖ್ಯೆ 13.82ರಷ್ಟಿತ್ತು. ಹೀಗಾಗಿ ಮಾರ್ಚ್ ಅಂತ್ಯದ ವೇಳೆಗೆ ಕಳೆದ ಆರ್ಥಿಕ ವರ್ಷದಲ್ಲಿ ಒಟ್ಟು 429.72 ಮಿಲಿಯನ್ ಹೊಸ ಟೆಲಿಫೋನ್ ಸಂಪರ್ಕಗಳು ಆಗಿವೆ.ವೈರ್‌ಲೆಸ್ ಸಂಪರ್ಕಗಳ ಪೈಕಿ ಜಿಎಸ್‌ಎಂ, ಸಿಡಿಎಂಎ ಹಾಗೂ ಡಬ್ಲ್ಯುಎಲ್ಎಲ್‌ಗಳೂ ಸೇರಿ ಮಾರ್ಚ್ ತಿಂಗಳಲ್ಲಿ 15.64 ಮಿಲಿಯನ್ ಹೊಸ ಸಂಪರ್ಕಗಳು ಆಗಿವೆ. ಆ ಮೂಲಕ ಮಾರ್ಚ್ ಅಂತ್ಯದಲ್ಲಿ 391.76 ಮಿಲಿಯನ್ ಹೊಸ ವೈರ್‌ಲೆಸ್ ಸಂಪರ್ಕಗಳು ಈ ವರ್ಷ ನಡೆದಿವೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
