ವಿಶ್ವ ಎರಡನೇ ಅತಿ ದೊಡ್ಡ ಟ್ರಕ್ ಮೇಕರ್ ವೋಲ್ವೋ ಸಂಸ್ಥೆ ಮತ್ತೆ 1,543 ಉದ್ಯೋಗ ಕಡಿತಗೊಳಿಸಲು ನಿಶ್ಚಯಿಸಿದೆ.
ಕುಸಿದ ಮಾರ್ಕೆಟ್ನಲ್ಲಿ ಬೇಡಿಕೆಯ ಕೊರತೆ ತೀವ್ರವಾಗಿ ಕಾಡುತ್ತಿರುವ ಹಿನ್ನೆಲೆಯಲ್ಲಿ 1,543 ಉದ್ಯೋಗಿಗಳನ್ನು ತೆಗೆದುಹಾಕುವ ನಿರ್ಧಾರಕ್ಕೆ ಬರಲಾಗಿದೆ ಎಂದು ವೋಲ್ವೋ ಸ್ಪಷ್ಟಪಡಿಸಿದೆ.
ವೋಲ್ವೋ ಟ್ರಕ್ಸ್, ಕನ್ಸ್ಟ್ರಕ್ಷನ್ ಎಕ್ವಿಪ್ಮೆಂಟ್, ಪೆಂಟಾ ಹಾಗೂ ಪವರ್ಟ್ರೈನ್ ವಿಭಾಗಗಳಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳಿಗೆ ಮಾತ್ರ ಈ ನಿರ್ಣಯ ಅನ್ವಯವಾಗಲಿದೆ. ಭಾರೀ ವಾಹನಗಳಿಗೆ ಹಠಾತ್ ತಗ್ಗಿದ ಬೇಡಿಕೆಯಿಂದ ವೋಲ್ವೋ ತತ್ತರಿಸಿದೆ. ಹೀಗಾಗಿ ಉದ್ಯೋಗ ಕಡಿತದಿಂದ ವೆಚ್ಚವನ್ನು ಕಡಿಮೆಗೊಳಿಸುವ ನಿರ್ಧಾರಕ್ಕೆ ಬರಲಾಗಿದೆ ಎಂದು ವೋಲ್ವೋ ತಿಳಿಸಿದೆ. |