ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ನೂತನ ಹೆಜ್ಜೆ ಇದೀಗ ನಾನ್ ಬ್ಯಾಂಕಿಂಗ್ ಫೈನಾನ್ಶಿಯಲ್ ಕಂಪನಿ (ಎನ್ಬಿಎಫ್ಸಿ)ಗಳನ್ನು ಸ್ವಲ್ಪಮಟ್ಟಿಗೆ ನಿರಾಳವಾಗಿ ಉಸಿರು ಬಿಡುವಂತೆ ಮಾಡಿದೆ. ಕಠಿಣ ಮಾರುಕಟ್ಟೆ ಸ್ಥಿತಿಯಲ್ಲಿ ಈಕ್ವಿಟಿ ಬಂಡವಾಳವನ್ನು ಹೆಚ್ಚಿಸುವ ಸಲುವಾಗಿ ಆರ್ಬಿಐ ಕ್ಯಾಪಿಟಲ್ ಅಡೆಕ್ವೆನ್ಸಿ ರೇಶ್ಯೋವನ್ನು ಜಾರಿಗೊಳಿಸುವುದನ್ನು ಸದ್ಯಕ್ಕೆ ತಡೆಹಿಡಿದಿದೆ. ಆರ್ಬಿಐ ಈ ಮೊದಲು 2010, ಮಾರ್ಚ್ 31ರವರೆಗೆ ಶೇ.12ರಷ್ಟು ಹಾಗೂ 2011ರ ಮಾರ್ಚ್ 31ರವರೆಗೆ ಶೇ.15ರಷ್ಟು ಕ್ಯಾಪಿಟಲ್ ಅಡೆಕ್ವೆನ್ಸಿ ರೇಶ್ಯೋವನ್ನು ಜಾರಿಗೊಳಿಸಲು ಈ ಮೊದಲು ನಿರ್ಧರಿಸಿತ್ತು. ಇದು ಎನ್‌ಬಿಎಫ್‌ಸಿಗಳಿಗೂ ಅನ್ವಯಿಸಲಿದೆ. ತಜ್ಞರ ಪ್ರಕಾರ ಆರ್‌ಬಿಐನ ಈ ನೂತನ ನಿರ್ಣಯದಿಂದ ಎನ್‌ಬಿಎಫ್‌ಸಿಗಳಿಗೆ, ಹಾಗೂ ವಿದೇಶೀ ಬ್ಯಾಂಕುಗಳಿಗೆ ನೆರವಾಗಲಿದ್ದು, ಸದ್ಯಕ್ಕೆ ನಿರಾಳರಾಗಿ ತಮ್ಮ ಅಭಿವೃದ್ಧಿಯತ್ತ ಗಮನ ಹರಿಸಬಹುದು ಎಂದಿದ್ದಾರೆ.ಕ್ಯಾಪಿಟಲ್ ಅಡೆಕ್ವೆನ್ಸಿ ರೇಶ್ಯೂವನ್ನು ಜಾರಿಗೊಳಿಸುವುದನ್ನು ಒಂದು ವರ್ಷಕ್ಕೆ ತಡೆಹಿಡಿದಿರುವ ಆರ್‌ಬಿಐಯ ನಿರ್ಣಯಕ್ಕೆ ಹಲವರು ಸ್ವಾಗತ ವ್ಯಕ್ತಪಡಿಸಿದ್ದಾರೆ. ಆರ್ಬಿಐ ಈ ವಿಚಾರದಲ್ಲಿ ದಿಟ್ಟ ಹಾಗೂ ವಿವೇಚನಾಯುಕ್ತ ನಿರ್ಣಯ ಕೈಗೊಂಡಿದೆ ಎಂದು ಉದ್ಯಮಿಗಳು ಶ್ಲಾಘಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
